shkarko - Syri 3

253 Gjuha si bazë ku krijohet mendimi
a grammar of asent, note iii).
Ky tekst rekomandon tri lloje progresive të leximit:
1.Leximi i tekstit të qartë, të cilin murgu e njihte mjaft
mirë (the story is well known of the monk), tregon
gjendjen e parë reale të intelektualit të angazhuar në
letërsi, filozofi, apo në këtë rast në tekstin fetar.
2. Faza e meditimit dekartian të murgut, midis tekstit të
njohur (the story) dhe këngës së zogut (song of the
bird). Kjo fazë e meditimit murgun do ta shpie kah një
përvojë intuitive dhe shumë përjetuese.
3.Leximi i reminishencës së figurës, jashtë tekstit,
(song of bird - kënga e zogut), që murgut i
mundëson mënjanimin e tekstit të angazhuar (the
story ...well know) por edhe mënjanimin e
gjysëmtekstit mediativ (to meditate). Ky murg preferon
gjendjen e tretë, gjendjen më poetike, i ngopur nga
teksti i angazhuar dhe nga oshenaria mediative.
“Kënga (e zogut është më e mirë në qoftë se na (e) e
ndien zemra sepse është shprehje dëshire e jo
përshkrim i ngjarjes” (Borhes).
Në qoftë se murgu i tektit të gradacionit, për vete dhe
për lexuesin, i provon tri gjendjet transformacionale: prej the
story, në meditate, për të sosur në song of bird, duke i
dhënë vetes dhe lexuesit më në fund lirinë e natyrshme të
përjetimit, shkrimtari socialist tenton ta mashtrojë lexuesin me
të njëjtin tekst dhe me mjete të vjetruara gjuhësore. Këto tri
faza të tekstit që shënuam më lartë, i përkasin zhvillimit
gjenerativ drejt shkëlqimit poetik të gjendjes shpirtërore. Këtë
shkallëzim gjenerativ nuk mund ta shfrytëzojë shkrimtari
socrealist, duke e mëtuar lexuesin ta rilexojë të njëjtën vepër
nën tutelen, me gjuhë të kontaminuar politikisht. Në këtë
rilexim shkrimtari socrealist kërkon ta bindë lexuesin e
përçmuar doemosdo, se ai shkrimtar paskesh qenë “brejtësi”
politik i pushtetit nga brenda, meqë Partia paskësh vepruar