shkarko - Syri 3

227 Identiteti i historisë dhe i historianit
Tautologjia idogjuhësore, metodologjike dhe
tipologjike
“Për një shoqëri asgjë s’është me qenësore se
klasifikimi i gjuhës së saj” - thotë Roland Barti.
“Në këtë mënyrë distinkcioni midis langue dhe parole
ofron principin i cili ka domethënie për linguistikën. Duke
veçuar gjuhën (langue) nga fjala (parole), shkruan Sosyri,
ndajmë në të njëjtën kohë: 1.atë që është publike nga ajo që
është individuale; 2.atë që është qenësore nga ajo që është
ndërtuar pak a shumë rastësisht” 1)
Ky mendim i Sosyrit, që në fillim të këtij shekulli, solli,
kuptohet në linguistikë, e në shkencat e tjera humanitare, atë
dilemën e madhe të publikës dhe individuales. Kjo “dilemë”
bëhet e pashmangëshme posa të zbulohet natyra gjenerative
e gjuhës, ose thënë ndryshe, natyra linguistike e simbolit.
“Deri tek ky “zbulim", sot arrihet me veprimin e përbashkët të
psikanalizës dhe strukturalizmit. Shoqëria borgjeze klasike,
një kohë të gjatë e ka konsideruar të folurit si mjet apo si
zbukurim; sot në të shohim shenjin dhe të vërtetën. Madje çdo
gjë që është e lidhur me gjuhën vehet në mënyrë të dukshme
në pikëpyetje: filozofia, shkencat humanitare, letërsia" 2)
1 Xhonatan Kaler “ Sosir osnivač moderne lingvistike”, Beograd
1980, fq. 35
2 Rolan Bart “Književnost mitologija semiologija”, Beograd 1979, fq.
195