shkarko - Syri 3

21 Skicim për zanafillen e fjalisë
biodemokratike amerikane
Çka mund të barabitet më cinizëm evropian sa vrasësi
i dyfishtë romak, vrasësi i Jezusit dhe vrasësi i hebrejve, të
kërkojë nga viktima e parë ta mohojë viktimen e dytë: të
kërkohet nga Jezusi ta mohojë popullin e vet vetem pse ky
popull shpërthei: “Hosana baraba”! Shërbimi Informativ romak
në turmën e hutuar judaike i kishte infiltruar njerëzit e vet, të
paguar, të çjerrëshin për interesat e Romës: “Hosana Baraba”!
Romës i duhej i gjallë Baraba sepse përmes Barabës Roma i
mbante të ndezura zjarret e rrebelimit judaik. Ushtria romake,
policia romake, sherbimi informativ romak, në Jude e në Galile
mbaheshin nga rrebelimet e Barabës për ta terrorizuar
popullin hebraik. Paqja e predikuar nga Jezusi: “Jepni çka i
takon Cezarit”, ushtrisë romake, policisë romake, shërbimit
informativ romak, ua merrte nga dora armën për terrorizimin e
popullit hebre.
Sot e gjithë ditën e lume vrasësit e Jezusit e aktrojnë
për çdo Pashkë rrugëtimin e fundit të Jezusit nëpër
katërmbëdhjetë stacione. Pas dymijë vjetësh interpretimi të
gabueshëm nuk dihet se cili: Ponce Pilati duhet të presë para
Ligjit hebraik apo Jezusi do të presë para Ligjit evropian.
Skribomanët shtetërorë të ungjijve romakë e akuzojnë
Judën aq bollshëm saqë asnjë ligj, sado i mëshirshëm, s’ka
guxim ta mbrojë popullin hebraik. Në interpretimet ungjillore
Juda Isakarioti akuzohet, promovohet në simbol të mëkatit për
ta këncënuar lexuesin-shtetas e shtetasin-lexues.
Kujtesa hebraike mban mend vrasjen e Jezusit,
përbuzjen dymijë vjeçare, krematoriumet e Aushvicit,
Mathuzenit, Dahaut por nuk e mban mend drejtësinë e Ligjit.
Të tri këto dënime të helmta vështirë t’i takojnë një populli
përveç në dënimet sodonike.
Jorge Semprum, shkrimtar i mbijetuar nga kampet e
përqëndrimit thotë: “Ajo që më kujtohet mua është kutërbimi i
krematorit. Krematori ka punuar ditë e natë dhe nga ai vinte
një kundërmim shumë i çuditshëm. Ky kundërmim për mua