AAS 70 [1978] - El Vaticano

Sacra Congregatio pro Episcopis 133
Quapropter suppleto, quatenus opus sit, eorum interesse habentium
vel habere praesumentium consensu, praesenti decreto, perinde vali­
turo ac si Apostolicae sub plumbo Litterae datae forent, quae sequuntur
decernit :
1. a dioecesi Bovinensi separat atque perpetuo dioecesi Arianensi ad­
nectit integrum territorium municipii vulgo (( Montaguto » nuncupati ;
2. a dioecesi vero Arianensi distrahit atque perpetuo Bovinensi dioe­
cesi adnectit integrum territorium municipii vulgo « Monteleone » ap­
pellati.
Quamobrem documenta et acta praefatorum territoriorum clericos,
fideles et bona temporalia forte respicientia a curia a qua ad curiam cui
illa nuper sunt aggregata, ab eis ad quos spectat, quam primum,
transmittantur.
Ad clerum quod attinet, simul ac praesens decretum ad effectum
deductum fuerit, sacerdotes Ecclesiae illi adscripti censeantur in cuius
territorio ecclesiasticum beneficium aut officium detinent; ceteri autem
sacerdotes, clerici seminariique tirones dioecesi illi incardinati maneant
vel incardinentur in cuius territorio legitimum habent domicilium.
Ad haec perficienda sacra Congregatio pro Episcopis Exc.mum P. D.
Iosephum Lenotti, Episcopum Fodianum, Bovinensem et Troianum de­
putat, necessarias et opportunas eidem tribuens facultates, etiam subde­
legandi, ad effectum de quo agitur, quemlibet virum in ecclesiastica di­
gnitate constitutum, onere imposito ad eandem sacram Congregationem,
cum primum fas erit, authenticum exemplar actus peractae exsecutionis
remittendi.
Contrariis quibuslibet minime obstantibus.
Datum Romae, ex Aedibus sacrae Congregationis pro Episcopis,
die 15 mensis novembris 1977.
L. & S.
93 SEBASTIANUS Card. BAGGIO, Praefectus
ffi Ernestus Civardi, Archiep. tit. Serdicen., a Secretis