AAS 70 [1978] - El Vaticano

760
Acta Apostolicae Sedis - Commentarium Officiale
lizatione quae, ad aptius efficaciusque Sanctae Ecclesiae regimini in
Statu Insularum Fisiensium consulendum, proposuit ut ibidem Nuntiatura
Apostolica conderetur. Quae cum ita sint, Nos, certa scientia ac
matura deliberatione, harum Litterarum Apostolicarum vi, in regione,
quam diximus, Nuntiaturam Apostolicam constituimus, eidemque omnia
et singula deferimus iura, privilegia, honores et praerogativas, quae
solent huiusmodi Legationibus conferri. Decernimus praeterea, ut conditae
Nuntiaturae Apostolicae sedes in urbe principe Suvae ponatur.
Quae vero per praesentes Litteras Apostolicas statuimus, firma sint
omnino nunc et in posterum, vimque suam habeant contrariis quibuslibet
non obstantibus.
Datum Romae, apud Sanctum Petrum, sub anulo Piscatoris, die xn
mensis Septembris, anno mcmlxxviii, Pontificatus Nostri primo.
L. m s.
& Ioannes Card. Villot, Secretarius Status
In Secret. Status tab. n. 64/S.V.
EPISTULAE
I
Data Iosepho S.R.E. Card. Ratzinger, Archiepiscopo Monacensi et Fri­
singensis electo Misso Extraordinario ut sollemniis praesideret ad com­
plendum « Annum Marianum » in Aequatorianae Reipublicae urbe Guaya-
quilio.
Laudum concentus, quo beatissima Virgo Maria in orbe terrarum
solet celebrari, sublimius extolletur — quemadmodum licet praevideri
— hoc mense Septembri in Civitate Aequatoriana, ac quidem in urbe
Guayaquilio, ubi, ad complendum ac terminandum indictum Annum
Marianum, Conventus ex tota Natione honori Deiparae eiusdem agetur.
Viget quidem ibidem memoria similis Coetus, ante viginti annos in praedictam
urbem coacti, qui egregiis caeremoniis et spiritualium fructuum
copia exstat insignis.
Consilio profecto sapienti, quippe quod ad huius aetatis postulatio­
nes ac necessitates referatur, duo documenta Magisterii Romani Ponti-