AAS 70 [1978] - El Vaticano

418
Acta Apostolicae Sedis - Commentarium Officiale
Ad vos enim, ut filios Sancti Francisci, quam maxime pertinet horta­
mentum Concilii, ex quo, contemplationem cum amore apostolico con­
iungentes, 7
«eximium testimonium reddatis, mundum transfiguran
Deoque offerri non posse sine spiritu beatitudinum )). 8
Ordo vester his annis proxime praeteritis in nonnullas regiones per-
vasit, novis coenobiis constitutis : quod est signum incrementi atque
laudis gaudiique materia. Notae sunt quidem difficultates, quibus quoad
vocationes hisce temporibus laboratur. Etsi ergo familia vestra satis
auctibus crevit — ad quod etiam plures sodales operam contulisse di­
cuntur — tamen semper erit vobis annitendum, ut illi evadant nume­
rosiores, qui tot necessitatibus Ecclesiae hominumque societatis subve­
niant. Quod fit potissimum precibus, secundum illud: «rogate... Do­
minum messis, ut mittat operarios in messem suam », 9
et vitae exemplis,
siquidem, ut ait Seraphicus Patriarcha : « Omnes fratres operibus prae­
dicent )). 10
Haec prorsus consonant cum iis, quae Concilium hac de re
edixit : « Meminerint ... sodales exemplum propriae vitae optimam com­
mendationem esse sui instituti et invitationem ad vitam religiosam ca-
pessendam ». u
Disciplina conversationis vestrae, sicut et ceterorum religiosorum,
necnon et Christifidelium, est ipsa vita Beatae Mariae Virginis, 12
quam,
ab originalis peccati labe immunem, vos peculiari prosequimini cultu.
Ad eam imitandam vos provocat Beatus Maximilianus Kolbe, qui est
Ordinis vestri clarissimum lumen et qui vitam evangelicam Franci-
scalem Marianam excellentissimo proposito ipse coluit vobisque quasi
spiritualem hereditatem reliquit.
Haec, dilecti filii, vobis exposuimus, ut consideraretis, haec monita
paterno animo vobis voluimus adhibere, siquidem in vobis non levem
spem et expectationem collocamus. Quae omnia ut feliciter eveniant, vo­
bis, qui hic adestis, et universis sodalibus vestris Benedictionem Aposto­
licam, benevolentiae Nostrae testem, libentissime impertimus.
8
7
9
10
11
12
Cfr. Perfectae caritatis, 5.
Cfr. Lumen gentium, 31.
Mt 1, 33.
Regula non buttata, XVII.
Perfectae caritatis, 25.
Cfr. S. Ambros. De virginitate, 2, 2, 15; Perfectae caritatis, 25.