AAS 70 [1978] - El Vaticano

Acta Ioannis Pauli I 691
cepit. Quibus perfectis/hymno Te Deum ab omnibus Deo persolutae sunt
grates.
De faustissimis hisce rebus instrumentum rite confectum est a Cae­
remoniarum Pontificalium Magistro, munere notarii fungente.
PROMULGATIO
Exspectanti in Petriano foro populo Pericles S.R.E. Card.
Felici, Protodiaconus, hora 19,19, laetissimum hoc praeconium
e Petrianae Basilicae mediano podio alte cunctis silentibus de­
dit: ANNÜNTIO VOBIS GAUDIUM MAGNUM : HABEMUS
PAPAM EMINENTISSIMUM AC REVERENDISSIMUM DO­
MINUM ALBINUM S.R.E. CARDINALEM LUCIANI QUI
SIBI NOMEN IMPOSUIT IOANNEM PAULUM I.
Factam declarationem plausus magnus secutus est, qui ma­
gis magisque invaluit cum Summus ipse Pontifex in multitu­
dinis conspectum apparuit ac Benedictionem Apostolicam
Urbi et Orbi primum impertiit.
ACTA IOANNIS PAULI PP. I
PONTIFICATUS IOANNIS PAULI I EXORDIA
Die 27 m. Augusti, hora nona, Summus Pontifex Ioannes Pau­
lus I sacris litavit in Aede Xystina, cunctis S.R.E. Cardinalibus cum
eo celebrantibus. Quibus peractis, sermonem habuit, per radiophonica
et televisifica instrumenta in universum orbem diffusum. Cuius hic est
textus Latine exaratus :
Venerabiles Fratres,
dilecti filii et filiae ex toto orbe catholico,
Ad gravissimum munus supremi Pontificatus arcana et pa­
terna bonitate Dei vocati, vos omnes consalutamus; quam qui­
dem salutem ilico ad universos homines, quotquot sunt in mun­
do, volumus pertinere, qui hac ipsa hora Nos audiunt et quos,
secundum Evangelii doctrinam, solum amicos et fratres habe­
mus. Itaque vobis universis salutem, pacem, misericordiam,