AAS 70 [1978] - El Vaticano

Sacra Congregatio pro Causis Sanctorum 73
vembris anno 1727 animam efflavit, praemium operariorum vineae Do­
mini recepturus.
Sanctitatis fama, qua Servus Dei in vita gavisus est, post mortem per
duo ferme saecula perseveravit, donec tandem, superatis temporum dif­
ficultatibus, sodales Collegii Missionariorum Oblatorum Rhaudensium,
quos ad id cohortati sunt Summi Pontifices Pius X et Pius XI, petierunt
ut Causa de Beatorum Caelitum honoribus eidem Servo Dei decernendis
ageretur. Processus itaque episcopali potestate instructus est annis 1924-
1927 apud Curiam archiepiscopalem Mediolanensem Romamque fuit
transmissus. Cum autem in eodem processu, post duo saecula celebrato,
testes inducti et excussi illi tantum fuissent quos ius vocat de auditu
auditus vel traditionis, Causa Servi Dei pertractanda erat ad normam
Litterarum Apostolicarum quae incipiunt a verbis Già da qualche tempo,
motu proprio die 6 Februarii a. 1930 a Pio Papa XI datarum. Hinc
Causa ipsa Sectioni Historicae Sacrae tunc Rituum Congregationi com­
missa est. Quae Sectio Historica, documentis et testimoniis scriptis un­
dique diligenter collectis eorumque valore ad trutinam criticae me­
thodi expensis, amplam Positionem super Introductione Causae et super
virtutibus ex officio concinnavit annoque 1952 in vulgus edidit, quamque
Coetus Consultorum in historia peritorum die 18 Iunii eodem anno cunc­
tis suffragiis laudavit. Scriptis vero Servo Dei tributis rite examinatis,
editum est decretum die 4 Maii a. 1954, quo edicebatur ex scriptorum
Servi Dei capite nihil Causae progressioni obstare. Quapropter, ser­
vatis servandis, Ioannes Papa XXIII commissionem introductionis Causae
penes Apostolicam Sedem propria manu, uti moris erat, obsignavit.
Recognita postmodum, die 2 Martii a. 1962, oboedientia Decretis ab
Urbano Papa VIII super indebito cultu latis, de virtutibus Servi Dei
theologalibus et cardinalibus eisque adnexis disceptatum est apud Sacram
hanc pro Causis Sanctorum Congregationem, et quidem primum, die
23 Novembris a. 1976, in Congressu, qui vocatur, Peculiari Officialium
Praelatorum Patrumque Consultorum ; et deinde, die 25 Ianuarii anni
huius 1977, in Congregatione Plenaria Patrum Cardinalium, ponente seu
referente Cardinali Francisco Carpino ; qui quidem proposito dubio num
Servi Dei virtutes heroicum attigissent gradum, adfirmando respon­
derunt.
Quibus de rebus facta per subscriptum Praefectum, die 14 mensis
Aprilis hoc eodem anno, fideli relatione Summo Pontifici Paulo VI,
Sanctitas Sua vota Sacrae Congregationis pro Causis Sanctorum rata