AAS 70 [1978] - El Vaticano

Sacra Congregatio pro Causis Sanctorum 529
que de more convocandos, eisque adstantibus sollemniter dixit : Constare
de virtutibus theologalibus Fide, Spe et Caritate tum in Deum tum in
proximum, necnon de cardinalibus Prudentia, Iustitia, Temperantia et
Fortitudine earumque adnexis Servi Dei Richardi Pampuri, in gradu
heroico, in casu et ad effectum de quo agitur.
Hoc autem Decretum rite promulgari et in Acta Sacrae Congrega­
tionis pro Causis Sanctorum referri mandavit.
Datum Romae, die 12 Iunii A. D. 1978.
L. ©S.
CONRADUS Card. BAFILB, Praefectus
© Iosephus Casoria, Archiep. tit. Foronovan., a Secretis
VI
MARIANOPOLITANA
Beatificationis et Canonizationis Servi Dei Fratris Andreae (in saeculo
Alfredi Bessette), Congregationis a Sancta Cruce sodalis.
SUPER DUBIO
An constet de virtutibus theologalibus Fide, Spe et Caritate cum in
Deum tum in proximum, necnon de cardinalibus Prudentia, Iu­
stitia, Temperantia et Fortitudine, earumque adnexis, in gradu he­
roico, in casu et ad effectum de quo agitur.
Divus Paulus, divino afflatu motus, nos edocet caeleste consilium mi­
ramque Dei sapientiam non sapientes, non fortes, non divites, non no­
biles, sed pauperes, viles, rudes et abiectos coram mundo, quos dirigeret,
elegisse, ne traduxisse prudentia, ne redemisse divitiis, ne potentiae ac
nobilitatis auctoritate traxisse aliquos ad suam gratiam et salutem vi­
deretur : « Quae stulta sunt mundi elegit Deus, ut confundat sapientes;
et infirma mundi elegit Deus, ut confundat fortia; et ignobiltà et con-
temptibilia elegit Deus, et ea, quae non sunt, ut ea quae sunt destrue-
ret; ut non glorietur omnis caro in conspectu eius » (1 Cor., 1, 27-28).
Arcanum huiusmodi Dei consilium, cum humana excitat instrumenta
ad praeclara patranda facinora, admiramur etiam in Servo Dei, hu­
mili Congregationis a Sancta Cruce sodali, Fratre Andrea.
In pago cui vulgo nomen Saint-Crégoire d'Iberville, in finibus tunc