AAS 70 [1978] - El Vaticano

Sacra Congregatio pro Causis Sanctorum 305
Non faciles fuere primi novae Institutionis gressus, Deo sic dispo­
nente, qui dilectos sibi famulos velut aurum in fornace probat (cfr. Sap.
3, 6). Iosephina, quae inde ab initio mater Sororum constituta fuerat et
anno 1895 generalis superiorissa electa, moderante, humilis sodalitas al­
tiores radices agere potuit, brevique per Italiam, Galliam, Belgium et
Argentinam diffundi, ac tandem die 21 Iunii a. 1909 ut Congregatio iuris
dioecesani Romae, a Cardinali Vicario, recognosci. Dei Famula, mira
fortitudine praedita, Dei fisa auxilio, impenso et magnanimo in paupe­
res et aegrotos acta amore, sui prorsus immemor, de doloribus medendis,
sublevandis, curandis cogitabat, Alias operibus potius quam verbis prae­
cedens. Christi sacrificium in oratione, praesertim liturgica, contem­
plari non poterat, quin statim ad auxilium et servitium pauperibus et
infirmis ferendum urgeretur. In hoc ut libere incumbere valeret, et su­
premum Instituti regimen derelinquere pro posse enisa est, filiabus ta­
men renitentibus, quae matrem Regulam ad vivum expressam considera­
bant, virtutum specimen, quibus et ad Deum elevabat, et fraternam
compaginem roborabat, et ad humiliora pro fratribus ministeria obeunda
trahebat.
Ad ultimum usque, quamvis corde graviter laboraret, labori sibi com­
misso institit, filiabus ad Regulae observationem adhortata et sacra­
mentis iterum atque iterum recreata, sancte, ut vixerat, die 23 Februarii
anno 1911 defuncta est.
Fama vero sanctitatis, quae Servam Dei inter vivos dum degeret, cir-
cumfudebat, latius post eius obitum diffusa est. Quapropter instructus
est annis 1955-1956 apud Urbis Vicariatum processus ordinaria potestate
super fama sanctitatis vitae, virtutum et miraculorum in genere, necnon
et super scriptis et super cultu eidem Famulae Dei non praestito ; per
rogatorias litteras canonicae inquisitiones peractae sunt anno 1956 in Cu­
riis ecclesiasticis Bonaerensi et Cameracensi Romamque rite transmis­
sae. Plurimae interea litterae sive a Patribus Cardinalibus, sive ab Epi­
scopis sive a supremis religiosorum Moderatoribus aliisque illustribus
ecclesiasticis laicisque viris ad Summum Pontificem missae sunt Cau­
sae Servae Dei introductionem postulantibus.
Servatis itaque omnibus de iure servandis, Sacra tunc Rituum Con­
gregatio, scriptis Servae Dei perpensis, die 22 Martii anno 1961 decre­
tum edidit, probante Ioanne Papa XXIII, ut ad ulteriora procedi pos­
set in ipsius Causae itinere.
Quapropter, instante Rev.do P. Brunone Brazzarola, Ordinis Cle­
ricorum Regularium Ministrantium Infirmis, huius Causae legitimo po-
21 - A. A. S.