AAS 70 [1978] - El Vaticano

Sacra Congregatio pro Causis Sanctorum 525
crae Congregationis pro Causis Sanctorum, ponènte seu relatore Rev.mo
Cardinali Petro Palazzini, disceptatum est.
Super quibus omnibus Summus Pontifex Paulus VI per subscriptum
Cardinalem Praefectum, die 13 Aprilis hoc anno, certior est factus,
atque favorabilia responsa Patrum Consultorum, Officialium Praelatorum
Patrumque Cardinalium rata habens, mandavit ut Decretum
super heroicis Famuli Dei virtutibus rite appararetur.
Quod cum factum esset, die hodierna Summus idem Pontifex ad
se accivit Cardinales infrascriptum Praefectum et Petrum Palazzini,
Causae ponentem, meque Antistitem a Secretis cetorosque de more convocandos,
quibus adstantibus sollemniter pronunciavit : Constare de
virtutibus theologalibus Fide, Spe et Caritate tum in Deum tum in
proximum, necnon de cardinalibus Prudentia, Iustitia, Temperantia
et Fortitudine earumque adnexis, in gradu heroico, Servi Dei Aloisii
Scrosoppi, in casu et ad effectum de quo agitur.
Hoc autem Decretum in vulgus edi et in acta S. Congregationis
pro Causis Sanctorum referri mandavit.
Datum Romae, die 12 Iunii A. D. 1978.
L. ©S.
CONRADUS Card. RAPILE, Praefectus
© Iosephus Casoria, Archiep. tit. Foronovan., a Secretis
V
PAPIEN. SEU MEDIOLANEN.
Beatificationis et Canonizationis Servi Dei Richardi Pampuri, Medici Chi­
rurgi, Religiosi professi Ordinis Hospitalarii S. Ioannis a Deo.
SUPER DUBIO
An constet de virtutibus theologalibus Fide, Spe et Caritate tum in
Deum tum in proximum, necnon de cardinalibus Prudentia, Iusti­
tia, Temperantia et Fortitudine, earumque adnexis, in gradu heroico,
in casu et ad effectum de quo agitur.
Eos inter qui Christo obsequuntur, eiusdem effatum : « Infirmus
eram, et visitastis me » (Mt., 25, 36) in vitae rationem mire inducentes,
medici christiano nomine digni accensendi sunt : ii enim munus suum
suumque officium caritatis ministerium reddunt, boni medici Salvatoris