AAS 70 [1978] - El Vaticano

Acta Ioannis Pauli I 711
accepto omnium Purpuratorum Patrum, Missae celebrationem perrexit hancque,
quae sequitur, Homiliam, post Evangelium lingua Latina et Graeca
prolatum, habuit :
Venerabiles Fratres ac dilecti Filii,
In hac sacra celebratione, qua sollemne fit initium ministe­
rii Summi Ecclesiae Pastoris, humeris Nostris impositi, men­
tem imprimis adorantes orantesque convertimus ad Deum, infi­
nitum et aeternum, qui consilio suo humanis argumentis inex-
plicabili, et benignissima dignatione sua ad Cathedram beati
Petri Nos evexit. Sponte quidem in haec verba Sancti Pauli
Apostoli erumpimus : « O altitudo divitiarum et sapientiae et
scientiae Dei : quam incomprehensibilia sunt iudicia eius et
investigabiles viae eius » (Rm 11, 33).
Cogitatione deinde complectimur et paterno amore saluta­
mus totam Christi Ecclesiam: coetum istum, qui, illam veluti
repraesentans, congregatus est in hunc locum, pietatis, religio­
nis, artis operum plenum, quo Principis Apostolorum sepul­
crum studiose custoditur; salutamus deinde Ecclesiam, quae
ope instrumentorum communicationis socialis, quae nostra ae­
tas invexit, Nos hac ipsa hora aspicit et audit.
Salutem dicimus cunctis membris Populi Dei : Patribus Car­
dinalibus, Episcopis, Sacerdotibus, Religiosis viris et mulieri­
bus, Missionariis, Seminariorum alumnis, Laicis apostolatum
exercentibus et varia munera obeuntibus, hominibus versanti­
bus in publica re, in ingenii cultu, in arte, in negotiis oecono­
micis, patribus et matribus familias, operariis, peregre migran­
tibus, utriusque sexus adulescentibus, infantibus, aegrotis, do­
lore vexatis, pauperibus.
Salvere etiam iubemus, cum reverentia et cordis affectu, uni­
versos homines, qui sunt in mundo quosque habemus et amamus
tamquam fratres, quoniam filii sunt eiusdem Patris caelestis et
fratres in Christo Iesu (cfr. Mt 23. 8 s.).
Abbiamo voluto iniziare questa nostra omelia in latino, per­
ché — come è noto — esso è la lingua ufficiale della Chiesa,
della quale esprime, in maniera palmare ed efficace, la univer­
salità e la unità.
La Parola di Dio, che abbiamo or ora ascoltato, quasi in un