AAS 70 [1978] - El Vaticano

Sacra Congregatio pro Causis Sanctorum 507
SACRA CONGREGATIO
PRO CAUSIS SANCTORUM
DECRETA
I
LUGDUNEN.
Beatificationis et Canonizationis Servae Dei Mariae a S. Ignatio, Funda­
tricis Congregationis Religiosarum a Iesu et Maria.
SUPER DUBIO
An constet de virtutibus theologalibus Fide, Spe et Caritate tum in
Deum tum in proximum, necnon de cardinalibus Prudentia, Iustitia,
Temperantia et Fortitudine, earumque adnexis, in gradu heroico,
in casu et ad effectum de quo agitur.
Cum ab Ecclesiae exordiis numquam defuerint viri ac mulieres, qui
Christum pressius imitati sint per evangelicorum praxim consiliorum,
Concilium Vaticanum II edicit : «... e consilio divino mirabilis varietas
coetuum religiosorum succrevit, quae valde contulit, ut Ecclesia, non
solum ad omne opus bonum instructa (cfr. 2 Tim., 3, 17) et ad opus ministerii
in aedificationem Corporis Christi (cfr. Eph., 4, 12) parata sit,
sed etiam variis donis filiorum suorum decorata appareat sicut sponsa
ornata viro suo (cfr. Apoc, 21, 2) et per eam innotescat multiformis
sapientia Dei (cfr. Eph., 3, 10) » (Decr. Perfectae caritatis, n. 1).
Cuius testimonii veritas mirum in modum ex historia religiosae renovationis,
quae Gallicae perturbationis eversionem est subsecuta, suscitatis
Dei Servis qui non solum christianarum virtutum exercitatione
et in bonum proximi operum testimonio, verum etiam, novis religiosis familiis
conditis, minis christiani populi variis in campis mederentur.
Quos inter connumeranda est Dei Serva Maria a Sancto Ignatio,
nativo- nomine Claudina Thévenet nuncupata.
Famulae Dei vita in duas dividitur periodos, quarum prior vitam
comprehendit in laicali condicione per quadraginta et quattuor annos
exactam, tempore videlicet Gallicae eversionis et insequentis renova-