Diskurtso kooperatiboak langile-kolektiboan ... - Euskara

Atal teorikoa
Arrasateko Kooperatiba Esperientziaren ibilbide historikoa
Petroliozko eta gas butanoko sukaldeak ekoizteari utzi gabe ere,
1963an hozkailuak ekoizteari ekin zioten, horretarako orduko
Talleres Arrasatekin (gaur egungo Fagor Arrasate) elkarlanean
aritu ziren. Baita lizentzia bidez Italiako etxetresna enpresa
batzuekin ere.
Lizentzia bidez jasotako jakintza gerorako oinarri izango zen,
behin lizentziak bukatuta euren kabuz lan egiteko gai izatea zen
helburua. Horrela, 1963.urtean jadanik ikerketa eta garapenerako
inbertsioak egiten hasi ziren.
1960. urtean eta gobernutik zetorren gas kontsumoa bajatzearen
neurriarekin batera Ulgorrekoek euren produktu abanikoa
handitzea erabaki zuten. Sukaldeez gain, diseinu italiarreko
sukalderako altzariak egiten hasi ziren 1962an. Labadorak
komertzializatzeari ere ekin zitzaion, hala ere produkzio
propioari 1967an eutsi zioten. 1970. urtean Garagartzako
lantegia zabaldu ostean eta Italiako patente batzuei esker
ontzigarbigailuak ekoizten hasi ziren.
Ulgorreko lehen urteak ez ziren oinarrizkoak izan soilik
aspektu ekonomikoari dagokionean, berebiziko garrantzia izan
zuen balore eta egite kooperatiboak abian jartzeko ere. Beraz,
Ulgor beste kooperatiben umetoki izan zela esan daiteke, bertako
langile eta diru fondoak jarri zituzten Lan Aurrezki kutxa (gaur
egungo Euskadiko Kutxa), Eskola Profesionala (gaur egungo
Mondragon Unibertsitateko GEP) eta Lagun Aro. Baita Ikerlan
teknologi zentroa ere.
Orduko kooperatiben elkartasuna Ularco taldearen eratzean
gorpuztu zen 1964an. Ordurako, Lankide Aurrezkiak laguntza
finantzario eta ekonomikoa bermatzen zuen eta kooperatiben
arteko erkalana geroz eta estuagoa zen. Horrela Ularco Complejo
Industrial Cooperativo izenaz eratutako taldeak 1962 urte arte
bitartean sortu ziren kooperatiba industrialak bateratzeaz gain
enpresa arloa eta soziala sendotzea zuen helburu.
Taldeko kooperatibek autonomia apur bat galduko bazuten ere,
abantailak ugariak izango ziren. Interdependentzian oinarrituko
ziren printzipio eta baloreak
Enbrioi eta hastapen haietatik orain ezagutzen dugun MCC sortu
zela esan dezakegu, maila apalagoan baina helburu berdinekin.
Esperientzia hasi berriak asko zuen eskaini eta betetzeko:
soldata duina, pertsonarekiko errespetua, barne demokrazia,
jabetza kolektiboa. On Jose Mariak behin da berriz
errepikatutako "estruktura aldaketek" forma hartzen ziharduten,
bere hitz eta ekintzek gizartearen babesa zuten errealitate
bihurtzen ziren einean.
98