Diskurtso kooperatiboak langile-kolektiboan ... - Euskara

Atal teorikoa
Fagor Arrasate eta Fagor Taldea
Lanean diharduten arren oraindik fisikoki ez dira kokatu; epe
laburrean Arrasateko Uribarri auzoan dagoen lehengo Trefasa
tailerrean kokatzeko asmoa dute, eta bertan, bulegoak zein
ikerketara bideratutako tailer txiki bat izango dute.
5. Fagor Arrasate- Proin fusioa
Proin S.L Pasaian sortu zen 1967. urtean. Sortzaileak lau
bazkide izan baziren ere poliki-poliki bakoitzak bere bidea
hartu zuen, azkenik jabe bakarra geratu zen arte. 1968. urtean
Donostiara aldatu zuten egoitza. 1984. urtean Fagor Arrasatek
erosi zuenean S.A izaera hartu zuen. Proin S.L enpresa likidatu
eta Proyectos Industriales Proin S.A. sortu zuten.
5.1. Produktua
Hasieratik eta gaur egundaino Proinen ebaketa lerroak
diseinatzen dira, materiala erosi eta beste guztia subkontratatu
egiten da; planoak eta materiala tailerretara bidali eta bertan
muntaia egiten dute. Horregatik Proinek ez du tailerrik,
bulegoak bakarrik ditu: bulego teknikoa, administrazioa eta
erosketa saila. 1984. urtean Fagor Arrasate Koop. E-ko
zuzendaritzak salgai zegoela ikusirik aukera ona zela pentsatu
eta erostea erabaki zuen; produktu bera zen arren lan egiteko
modu ezberdinak ikasteko aukera ona eskaini zion Arrasateri.
5.2. Fusioa
Proin-eko langileak kontratatuak ziren baina sartzen ziren
langile berriak Fagor Arrasaten bazkide egiten zituzten.
Azkenean 2000. urtean integratzearen aldeko apustua egin zen,
egoera aztertu ostean aldeko puntuak kontrakoak baino gehiago
ziren. Pertsonal sailean lana gehituko bazen ere abantaila
kontable eta fiskalak, egiteko modu eta lan sistema bateratuak
dena errazago egiten zuen. Bestetik, langileei ere bazkide
izateko aukera eskaintzen zitzaien.
“...eta zergaitikan ez dezute
eskaintzen, guk esango degu baietza edo
ezetza, baina beste batzuei esaten zaien
bezala;... azkenean eskaintza egin zuten
eta batzuk hartu gendun eta beste batzuk
ez.” (Antton Leunda)
Gaur egun 3 langile izan ezik beste guztiak bazkide langileak
dira. 2000. urteaz geroztik Kontseilu Soziala dute. Markinan
bezala egiten dute, kontseilutxoetako ordezkariak Arrasatera
joaten dira Kontseilu Sozialeko batzar iraunkorrean parte
hartzera. Bazkide ez diren 3 langileek delegatu sindikala dute.
Halere, beste guztiek bezala konbenioz aldatu beharra eduki
196