Diskurtso kooperatiboak langile-kolektiboan ... - Euskara

Atal teorikoa
Oinarrizko hamar printzipio kooperatiboak
norberaz gaindi komunitatea jartzeko ariketa da planteatzen
zaiguna.
Lankidetza maila ezberdinak bereizten dira, alde batetik barrura
begirako interkooperazio sistema dago eta bestetik kanpora
begirako lankidetza, gizarte mailako beste erakunde kooperatibo
batzuekin elkarlan eta lankidetza.
Horra hor lankidetza mailak banaka:
Barrura begirako lankidetza:
a) Kooperatiben artean elkarketak osatuz. Arautegi komun bat
garatuz eta emaitzen birmoldaketarako, bazkide langileen
transferentzia edo birkokapenerako eta talde izatearen
ondoriozko sinergien gehiketarako. Esate baterako Fagor
Taldea 41 dugu adibide, eskualde mailan antolaturiko
kooperatiben arteko lankidetza osatzen duen sarea. Era
berean, sektoreka 42 antolatutako elkarketa sistema ere
printzipio honetako atal honetan oinarrituta dago.
b) Elkarteen bidez egituraz gaindiko eraketa eta kudeaketa
demokratikoan oinarrituta guztion onuraren alde lan egitea
da barrura begirako lankidetzaren beste ezaugarri bat.
Kanpora begirako lankidetza:
c) Arrasateko Kooperatiba Esperientziaren eta gainerako euskal
kooperatiben artean, Euskal Kooperatiben Mugimendua
sustatzea da kanpora begirako lankidetzaren baitan
printzipio honek dioskuna. Horren adibide ditugu esate
baterako, Euskal Autonomi elkartean dauden Kooperatiba
Federazio ezberdinak.
d) Azkenik, eta eremua zabalduz. Estatuko, Europako eta
munduko gainerako mugimendu kooperatiboekin hitzarmenak
eta elkarlana bultzatzea defendatzen du printzipio honek.
Arrasateko Kooperatiba Esperientziak duen ezaugarri
nabarmenetako bat elkartasunaren inguruan duen kontzepzioa dugu.
Arizmendiarretak elkartasuna hiru dimentsiotan ulertu eta
definitu zuen: barne elkartasuna, inguru elkartasuna eta
elkartasun globala. Honek egungo egituratzean eragina daukala
ezin da ukatu, hiru dimentsioak modu berdinen garatu ez diren
arren.
41 Ikus Fagor Taldeari buruzko azalpena atal teorikoaren IV. Kapituluan.
42 Ikus III. kapituluko 4.puntua.
79