Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
Asanbladako partehartzea eta opariak
Asanbladara joateagatik oparia ematen dutelako joaten omen da
jende gehiena. Gainera, denbora gutxi egin eta oparia jaso
ostean alde egiten ei dute. Benetan jende gutxik aitortzen dio
Batzar Nagusiari teoria mailan duen garrantzia maila.
“hemen jentia faten da ardaua emoten dabelako.
Baina igual ardaua emoten ez dabenian, igual ez doia
inobe. Jentia fan, ein hamabost minutu eta alde.”
(ET1;H6)
Dena dala, badago urtero ia kalerik egin gabe bertaratu direnak.
Halere, 1-3 partaidearen iritziz ere jende askok egiten du huts
urteko batzar nagusira edo eta ordezkaritza bidaltzen du.
”nik, urte danetan egon naiz, eztot sekula kale
ein. Bai, soldau nenguan urtien. Bestela eztot sekula
kale ein. Baine jente askok eitten dau kale edo beste
bateaz bialdu txartela.” (ET1;H3)
Urteko batzar orokor guztietara joaten dena zergatik joaten da?
Zerk bultzatuta?
Kooperatibaren egoera zein den ezagutzeko kezka izan daiteke
batzar nagusira joateko motibazioetako bat. Baina baliteke
arrazoi nagusia bertara joatea bazkideen erantzukizuna delako
izatea. 1-3 partaidearen iritziz bazkide guztien erantzukizuna
da batzar nagusietara joatea.
”bueno, beti interesgarrixa da enpresien
balantzia edo, danaz ez naz enteretan, beste batzuk
enterauko die baine, parte bateaz behintzaet bai. A
fin de kuentas nik uste dot erantzukizun bat dala
hara fatie. Erantzunkizun faltia da ez jutie. Neuri
pentsetan jat. Oin bai, suertau leike derrigorrezko
gauzan bat eta ezin jun. Baine, uste dot normalien
danok jun biher eukiela.” (ET1;H3)
Asanbladara ez joatea sentimendu faltaren sintoma dela uste du
1-1 partaideak. Proiektu bateko kide ez sentitzea eta motibazio
indibidualak baino haratagoko ezer ez sentitzea dira bazkide
honen ustez asanbladarekiko interesik ez agertzeko arrazoietako
batzuk.
“sentimentu faltie. Eta bueno, sentimentu
faltie, sentimentuak e, gauza onak dauzenian eta
gauza txarrak dauzenien. Zetarako, ba lehen esaten
nauen, proiektu hori eta ilusiño hori aurrera
eruateko. Baina, bueno, hor esaten dia urteko gora
beherak guztiek hor. Eta ezen interesik ez, hortan
interes bakarra dauko, fondon bat eruen, eztotzo
inporta nundik eta zelan etorten dan ez, ez… etzo
294