Diskurtso kooperatiboak langile-kolektiboan ... - Euskara

Atal teorikoa
Fagor Arrasateren ibilbide historikoa
1996-2002
nos van a producir en un futuro próximo.”
(2001eko Memoria)
Urte gutxiren buruan beraz, grafikoan ikus daitekeen bezala,
langile kopuruak gora egin du, aurretik pasatako krisiak,
aurrejubilazioek eta pasatako estutasunek plantilaren gaztetzea
ekarri dute, azken urteotan langileriaren batez besteko adina
nabarmen jaitsiz. 2002. urte honetan langileriaren batez besteko
adina 41 urtekoa da.
2.3. Subkontratazioaren gorakada eta bere bi aurpegiak
Gorakadei erantzuteko ezinbestekoa izaten da jende berria
kontratatzea. Sistema horren osagarri, krisi sasoian arazo
gutxiago sortzen dituen sistema subkontratazioa da. Laurogeiko
hamarkadaz geroztik nahikoa ohikoa zen hainbat lan kanpoko
enpresen esku uztea.
Subkontratazioak bere alde onak baditu, besteak beste,
estruktura gutxitzea edota negozio eta langileen espezializazioa
dakartzalako. Baina bada subkontratazioaren alde ilunak
nabarmentzen dituenik: kalitatearen beherakada, denbora gehiago
itxaron beharra, eta prezioa, beste batzuen artean.
1997tik aurrera subkontratazioa indartu egin zen,
gainsaturazioak atzerapen garrantzitsuak eragiten zituelako, bai
diseinuan eta bai muntaian.
3. Nazioarteratzea
MCC-ko politikei jarraiki, 1999. urtean AEBetan enpresa bat
erosteko saiakera egin zuen Fagor Arrasateko zuzendaritzak;
azkenean, delegazioak irekitzea komenigarriagoa litzatekeela
erabaki zen. Aurreko kapituluetan ikus daitekeenez Fagor
Arrasatek beti saldu izan du estatutik kanpora, nahiz eta makina
erreminta sektorean konpetentzia maila oso altua den. Halere,
urte hauetan Fagor Arrasatek, MCC-ren politika orokorrak
jarraituz, inoiz baino gehiago landu du nazioarteratzea.
193