Diskurtso kooperatiboak langile-kolektiboan ... - Euskara

Atal enpirikoa
Emaitza orokorrak
itxaropenik, garaiak aldatu dira eta garaietara moldatu beharra
dago.
Fagor Taldea bereziki estimatzen dute. Fagor Taldearen sorrera
garaiak eta gerora egindako ibilbidea ezagutzen dute eta
horrekiko sentimendu berezi bat garatu izan dute.
Diskurtso honen atzean kokatzen diren gehienak Fagor Arrasaten
ibilbide luzea egindakoak dira. Erretiroa hartzeko gutxi falta
dute eta, atzera begiratuz gero nostalgiaz begiratzen dute;
aurrera begiratzen dutenean, berriz, itxaropentsu, eta izan
zirelako izan daitezkeenaren ustearekin.
Ezjakina
Diskurtso honen atzean kokatu ditugu kooperatibagintzarekiko
kezkatik abiatzen direnak eta jarrera eraikitzailea dutenak,
baina, aldi berean, kooperatibagintzaren inguruan euren buruak
ezjakintzat dituztenak. Perfilari dagokionez, gazteak dira
gehienetan, edo eta kooperatiban ibilbide laburra egin dutenak.
Jasotako formazioarekin oso kritikoak dira: ez ei dute formazio
kooperatiborik jaso eta, era berean, transmisio egituratuago
baten beharra sentitzen dute. Kooperatiba zer den eta nola
funtzionatzen duen jakiteko ibilbide bat egin beharra dagoela
diote. Dena den, ibilbide bat egin ostean “zerbait” berezia
dagoela sumatzen dute eta kooperatibagintzarekiko jakin-mina
pizten zaiela dirudi. Badirudi, zerbaiten gose direla, jarrera
baikorra izanik kooperatibagintzan aritzeko prest agertu dira.
Ilusioa berreskuratzeko kooperatiba koherenteago baten beharra
dute, dena den kooperatibista sentitzen dira. Ez dute garai
batean sartutakoek besteko ilusiorik sumatzen euren buruengan,
baina jarrera baikorra dute kooperatibagintzaren etorkizunaren
aurrean.
Etorkizunerako argudio-elementuak falta dituzte. Etorkizunean
jendea kooperatiban gehiago inplikatzea gustatuko litzaieke,
baina ez dakite hori horrela izan dadin zer egin daitekeen.
Beharbada, eztabaida eta debateek denon artean aurrera egiten
lagunduko luketela uste dute.
Fagor Taldea ondo baloratzen dute, baina ez dute horren inguruko
ilusio berezirik sumatzen. Beharrezkoa ikusten dute Fagor
Taldean egotea, batez ere horrek kooperatibari ematen dion
segurtasunagatik. Dena den, ez dituzte Fagor Taldeak dituen
bereizgarriak oso ondo ezagutzen, gehiago jakitea gustatuko
litzaieke.
490