Diskurtso kooperatiboak langile-kolektiboan ... - Euskara

Atal teorikoa
Fagor Arrasateren ibilbide historikoa
1976-1981
“(...) las relaciones sociales tanto a
nivel individual como de Consejos
Sociales y asambleas se están
deteriorando, con el consiguiente riesgo
de radicalizaciones y creaciones de
grupos antagónicos...” (K.S.eko akta
1977/02/06)
5.Kooperatibarteko gizarte ekintzetarako fondoa (FOSI)
Kooperatiba arteko FOSI fondoa sortzea aspaldiko ideia bazen
ere, 1978an erabaki zen martxan jartzea. Lankide Aurrezkiko
bazkide ziren kooperatibek emaitzen zati bat fondo komun batera
bideratzea zen helburua, horrela diru kopuru handiagoko fondoa
lortuko zuten proiektu garrantzitsuagoak (koste handiagokoak)
lagundu ahal izateko.
6.Learko: Ularco erreferente
Arrasatetik bananduko zen kooperatiba izan arren, ez zion
bideari bakarrik ekingo, Learko konplexua sortzeko proiektu
interesgarria zebilkien eskuartean. Learko izenpean Markina, San
Andres Etxebarri eta Lekeitio inguruko kooperatibak batuko
zituen Ularco antzerako zerbait sortu nahi zuten zonalde hartan.
Ordurako Zikautxo, Eika, Lealde eta Kide ere martxan ziren,
baina Arrasate zen guztietan indartsuena.
Hasieran Ularco-Arrasate-Learko harremanei arreta berezia ezarri
behar zitzaien, autonomo bilakatzeak arlo tekniko, ekonomiko eta
legezkoetan izango zituen ondorioak kalkulatu behar baitziren,
eta Markinaren egoera patrimoniala aztertu. Hori guztia
Markinako lantegia Arrasatetik noiz bereiztuko zen jakiteko. Ez
zen prozesu erraza izango eta horren aurrean, Mondragoeko
lantegiak eskainitako laguntza garrantzitsua izango zen
Markinarentzat:
“(...) adoptar fórmulas que permitan una toma
progresiva del protagonismo sin por ello
dejar de fomentar la solidaridad del conjunto
de la comunidad de Arrasate.” (K.E.ko akta
1977/11/11)
Kapitalizazioa beharrezkoa zen independiente izateko, eta 1980ko
urtarrilean 3 aukera posible ikusten ziren: 1) zonaldeko
soldatekin Arrasatekoak ere parekatzea (altuagoak baitziren) eta
diferentzia kapitalizatzea 2) paga extrak kapitalizatzea 3)
interesak kapitalizatzea.
177