Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
Kooperatibista desmitifikatua
Bada kooperatibista sentitu bai, baina bere buruari
kooperatibista desmitifikatua deitu dionik ere. Kooperatiba
giroan ohitu delako da kooperatibista baina garai bateko giro
sozialak ere eraginik izan zuela uste du. Gaur egun ez bezala
sasoi hartan lan fisiko edo mentalaz gain bihotzarekin ere lan
egiten ei zen.
“ni sentitzen naiz kooperatibista baina
desmitifikatuta. Sentitzen naiz, bizi izan dotelako
giro hori, baina pixkat e, ni bai harrapau dot
Ramonek deskribatzen dauen giro hori. Apur bat giro
hori harrapau det, ez? Eta izen da, giro hori zan,
gizarteko giro bat. Sozialki zan giro hori ez? Ta zuk
azkenian konpartitzen dozunian gauzak, danai
gertatzen jaku beste arlo batzutan bebai ez,
sentitzen zare haren parte eta eitten dozu gauza,
eitten dozu lana beste modu batean ez? Jarritta, ez
bakarrik zure fisikoko, edo energia horren,
zientifiko aldetik, edo matematiko edo fisikoko lan
hori baizik zerbait gehiago ez, bihotzaren edo
sentimenduen aportazio bat. Hor egiten duzun
lanakin.” (ET1;H2)
Lan fisikoaz gain lanean arima ere jarri daiteke kooperatibako
proiektuarekin bat eginez gero. Bat egin daiteke helburu
transzendental batekin eta horrek lan-esfortzua bera baino
gehiago jartzera eraman zaitzake. Dena dela, 1-2 partaideari
sentimendu hori apaldu edo gutxitu egin zaiola dirudi. Izan ere,
momentu baten dio berak jada ez duela hainbeste jartzen, eta
ikusten duenaren arabera, berriz, gazteek edo berriek ezer ez.
Kooperatiben sorreran zegoen giroa, bai kooperatibetan eta bai
orduko gizartean, desagertu egin dela diosku.
Baina dena ez ei da bukatu, garai hura bizitzeko aukera izan
zutenek ba omen dituzte oraindik orduko erreferentziak eta
badirudi barneratuta dauzkatela orduko jarrera eta hasiberrien
ametsak.
“Bueno, nik orain ez dut jartzen holan, Ramonek
oraindik mantentzen du. Baina nik ez det hainbeste
behintzet jartzen, ez? Eta honek berriak ikusten
dudanez, ba ezer. Giro hori desagertu ein da,
behintzet gizartetik. Gu behintzet zeozer mantenidu
geinke hor referentzia batzuk daukouelako, baina giro
hori desagertu egin da. Bebai egia da giro hori
zegoen gu sartu ginanian edo, ba, zegoen nahikua
haundituta izen zalako ba, esperientzia berri bat.
Izen zan, ez dakit, sortzen diazenian esperientziak
beti egoten da ba bueno, hasieran ilusio gehiago.
Bueno, ez dakit gero zer gertatu dan… garbi dau ez
264