Diskurtso kooperatiboak langile-kolektiboan ... - Euskara

Atal teorikoa
Sorrerako garaiak
urteetan bere inguruan lantegi ugari eraiki ziren filosofia
berarekin. Gaur egun kooperatiba hauetako gehienak Mondragon
Corporación Cooperativa (MCC) erakundean biltzen dira.
Nolanahi ere, Arizmendiarrietaren ekarria ez zen izan
kooperatibak sortzeko bultzada bakarrik, baizik eta kooperatiben
mugimendua artikulatzea sare moduan: dimentsio industriala,
hezitzailea, finantzarioa, herriarekiko konpromiso sozialekoa,
ikertzailea eta kontsumokoa ere izango zuen sare kooperatiboa
bultzatu zuen, horretarako behar diren koordinazio gune eta
erakundeak proposatuz.
1.3.1 Sare kooperatiboaren sorrerako urteak
Arizmendiarrieta pentsamenduaren ekintzailea izan zen, eta
ekintzaren pentsalaria. Bere jarrera utopikoa zela diozkue bere
proiektua aztertu zutenek, era berean proiektu zabal eta
konplexu batera zuzendu zuela begia, oso urrun, eta aldi berean
gutxik bezala zituela oinak lurrean.
Beharrezkoa da utopia eta idealak izatea eraikitzeke dagoen
ordena berria irudikatu ahal izateko baina oinarri sendoa behar
dute erori ez daitezen. "Utopiarik gabe ez dago aurrera-biderik”
dio Arizmendiarrietak; baina utopiekin bakarrik ere ez. Idealerreal
tentsioaren barnean oreka aurkitzen saiatu behar uneoro.
Erantzukizunean oinarritzen du guztia, norberak, edo taldeak
erantzukizuna bere gain hartzeko gaitasuna da giltzarria.
Erantzukizun pertsonala eta kolektiboa, batasunaren edo
elkartzearen bidez. Ezin da utopia irudikatu bertara iristeko
eman beharreko pausoak zehazten ez badira: eraikiz lortuko dugu
ametsa. Hala, azken finean, eraikuntza dugu esperientzia
arizmendiarra, bukatu gabeko proiektua askorentzat. Etengabe
eraberritu behar dena.
95