Diskurtso kooperatiboak langile-kolektiboan ... - Euskara

Atal teorikoa
Arrasateko Kooperatiba Esperientziaren ibilbide historikoa
motibazio iturri edo atxikimendu ideologiko sendorik
irudikatzea. Kooperatiban lanean diharduen gazte batek zein
motibazio iturri nagusi dauka lantoki bat edo beste bat
aukeratzeko orduan? Pragmatismorako joera hori horrela izanik
gaur egun ez al dago bestelako motibazioetarako tarterik? Amets
utopiko eta eraldatzaileetarako tarterik?
AKEk bere ibilbidean zehar aldaketak bizi izan dituela nabarmena
da. Plano objektiboari erreparatuz, erraz identifika daitezkeen
prozesu zehatz multzo bat aipatzen digu Azkarraga Etxagibelek
Besteak beste, kooperatiba berririk ez sortzea, nazioarteratzea
formatu ez kooperatiboan gauzatzea, aldi baterako lanaren
gorakada edo eta soldata tartearen zabaltzea izan dira AKEren
printzipio batzuk erasateko bideraturiko prozesuak. Baina,
Azkarraga Etxagibelek dioen bezala, aldaketa objektiboez gain,
alderdi subjektiboan ere gauzak asko aldatu dira, plano
intimoagoan. Plano hori da guri interesatzen zaiguna, zer da
gaur egun kooperatibista izatea? Nola ikusten dute gaur egungo
protagonistek kooperatiba? Nola kooperatibagintza? Zein da euren
identitatearen baitan kooperatibista izateak betetzen duen
lekua?
5.2.2 Zentzuen bilakaera
Sorrerako testuinguruan AKEk kausa antzeko bat osatzen zuen
askorentzat.
“Bertan gorputz eta arima aritu dira,
`militante´ ugari. `Kausa´ horrek humanitatearen
erredentzioan parte-harztetik hurbil dagoen
zerbait eskaini izan dio askori, nagusiki
kooperatibismoa kontzeptu erlijioso batekin lotu
zutenei. Sakrifizioa, soiltasuna, diziplina, eta
interes indibidualari uko egitea, halako
printzipioetan oinarritutako biziera bat mamitu
zen. 58 ”
Genesi garaian, motibazio erlijiosoak eutsi zion sortzaileen
bizi-konpromisoari, gerora herrigintzak edo naziotasunak beteko
zuen gehiago idearioa, baita ezkerreko joerek edo jite
sozialistadun motibazioek.
“Kooperatibismoa garaiko gizartearekin
konprometituta bizitzeko modu bat izan zen,
konpromisoan oinarritutako bizitza-egitasmoari
eusteko zentzu iturria. Kooperatiba idearioak
jokatzeko eta bizitzeko molde bat proposatu
zuen. 59 ”
Egungo joeran arreta jarriz, badirudi konpromiso komunitarioei
58 Azkarraga Etxagibel, J. op.cit. 39.orr.
59 Azkarraga Etxagibel, J. op.cit. 42.orr.
134