Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
Hor kooperatibismuak ebitetan dau ba, lau katuk dirue
erutia eta bestiek diru barek geraketie. Hemengo
soldatak eta kooperatibak sortu ez balitzez gaur eh,
alde batetik, beste norabaitera juan bihar, hemen
bizi ezin; eta bestetik soldatak asko bajuau egongo
zien neure ustez. Kotxe ederrakin barik bizikletekin
ibili biher… baine kooperatibismue uste dot nik,
kapitalistei be aberastasuna be banandu eraintziela.”
(ET1;H3)
Etorkizunean Arrasateko kooperatibagintzan fede apur bat eduki
leikela dio erdi serio erdi broman 1-3 partaideak:
“hori abade batek sortu hauen, osake fede apur
bat euki leike. Edo?” (ET1-H3)
“Bai, ezta?”
5. Eztabaida taldeetan bildutako elementuen
erradiografia
Atal enpirikoaren barruan azterketa kualitatiboa deituriko atal
honetan ideia asko landu ditugu. Gaika ordenatzen saiatu gara,
baina hala ere puntu ideia eta elementu asko jorratu behar izan
ditugu. Orain arte esandakoak laburbilduta aurkezten saiatuko
gara hurrengo orriotan, gai bakoitzaren inguruan aurkitu ditugun
elementu ezberdin eta esanguratsuenei arreta eskainiz.
5.1 Identitate eta zentzuaz
Zergatik lan egin kooperatiban? Zer da kooperatiba bat?
Kooperatiban lan egitea garrantzitsua da kooperatibistentzat?
Zertan bereizten dira kooperatibak? Galdera horiek luzatu eta
honako iritzi multzo hauek aurkitu ditugu kooperatibagintzaren
identitate eta zentzuaz.
Kooperatiba ulertzeko orduan, belaunaldiak eta bizi izandako
garaiek eragina dutela ikusi dugu. Sorrerako garaiak ezagutu
zituztenentzat kooperatiban lan egitea hautua zen, garai hartan
gizartea orokorrean eta enpresa bera oso hierarkiakoak ziren,
hura aldatzeko alternatiba bat eskaintzen zuen kooperatibak eta
horrekin bat egitea erabaki zuten orduko kooperatibako
langileek.
Beste mota bateko ahots batek aldiz, zera dio: lehen ere denetik
zegoela; orain dela berrogei urte batzuk atxikimendu
ideologikoagatik gerturatzen zirela kooperatibara baina beste
batzuk aldiz, besterik gabe lan baldintza hobeak eskaintzen
zituelako. Motibazio etiko-sozialak ez ziren guztiengan hain
indartsuak, batzuengan bai eta beste batzuengan ez.
314