Diskurtso kooperatiboak langile-kolektiboan ... - Euskara

Atal teorikoa
Arrasateko Kooperatiba Esperientziaren ibilbide historikoa
amaieran bazkideek kartilan gelditzen zitzaien diru guztia
batera jartzen zuten. Elkartasunez kartilak parekatzen zituzten,
izan ere, familia baten ardura zuen bazkideak seguruenik
kartilatik asko gastatuko zuen, ezkongabea zenak aldiz, diru
asko izan zezakeen. Horrela, denek euren diruok Elkartasunezko
Fondoan sartu eta handik berriz ere banatuko zuten, hurrengo
ekitaldian denak baldintza berdinean hasiko ziren.
Halere, erretiroaren gaia zintzilik zegoen, ordura arte ez
baitzuten Gizarte Segurantzan kotizatzerik izan. 1959tik
1967rako urte tartean erretirora bideratutako dirua lan
aurrerakinaren %5 zen. Bazkideak 65 urte izan beharko zituen
jubilatzeko, bere pentsioa lan aurrerakinaren %5ak, urteko
interesek eta bakarkako libretatik banaketa egin ostean
positiboan gelditzen zenak osatuko zuen. Gauzak horrela, sistema
hau kooperatibaren jarduera ekonomikoak baldintzatzen zuen.
1967tik gaur arte, Gizarte Segurantza Lagun Aroren osagarri gisa
hartu izan da. Aurreko urtetan jarduera ekonomikoaren menpe ezin
zitekeela erretiroko pentsiorik egon ondorioztatu zuten
kooperatibistek.
Horrela, eta informazio bilketa eta kontsulta ugari egin ostean
1968ko urtarrilaren 28an 10 ordu baino gehiago iraun zuen Batzar
Orokorrean jaio zen Lagun Aro kooperatiba, ordura arte Lan Kide
Aurrezkiko jarduera moduan funtzionatzen zuen aktibitatea bere
gain hartuz.
"Libreta o maleta" espresioa erabili ohi zuen Arizmendiarrietak.
"Libreta"-k aurrezte komunitarioa esan nahi eta irudikatu nahiko
luke, "maletak" berriz enpresak itxi eta etxera bueltatzea.
Ezinbesteko ikusten zuen kooperatiben iraupenerako eta beste
enpresa batzuetan sorrerako bultzada emateko, hitz baten
esateko: autofinantziaziorako. Inoren menpe egoteke, burujabe
izateko.
Egiteko honetan ezinbestekoa izan zen taldearen inplikazioa. 10
urtetan %71.6 haziko zen Lan Aurrezki Kutxa bataz beste.
Horretarako Kutxari elkartuta zeudenek era askotara lagundu
behar izan zuten: sorreran parte hartuz, zuzendari baliagarriak
utziz, ratio egokiak manten zitzan kapitala jarriz, euren
entitate finantziario bakarra izan zedin onartuz. 20 urtetan
kooperatiba bakoitzaren kapital sozialaren %25arekin abalatu
(bermatu) zituzten Lan Aurrezkiak egiten zituen operazioak.
100