Diskurtso kooperatiboak langile-kolektiboan ... - Euskara

Atal enpirikoa
Azterketa kuantitatiboa
narrazio batera goazenaren susmoa daukagu. Hori erakusten digute
behintzat Azkarraga Etxagibelen hitz hauek:
“Gaur, egon, badago identitatearen aldeko borroka
bat; ez du zerikusirik klase identitatearekin, nazioidentitatearekin,
edo bestelako identitate
komunitarioren aldeko borrokarekin. Identitate
indibiduala eraikitzearen aldeko borroka da
nagusitzen ari dena. Harrotzen ari den indar kultural
berria da, eta arin hedatzen (nagusiki gazteengan eta
elite kooperatibistan, hau da, etorkizuneko
kooperatibismoa kulturalki funtsatzeko ahalmena duen
sektore garrantzitsuenetakoan)” 74
Gazteak aipatzen dizkigu Azkarraga Etxagibelek, eta guk ere
gazteen motibazioetan jarri dugu arreta. Ba al da alderik
gazteen motibazioen eta helduagoen motibazioen artean? Soldata,
garapen pertsonala eta lanpostu segurua ditugu motibazio
pertsonalen baitan. Motibazio sozialak edo kolektiboen artean
beste hauek: Gizartea hobetzen edo aldatzen aportatzea,
lanpostuak sortzen laguntzea eta gizarteko hezkuntza proiektu
eta proiektu sozialei laguntzea. (MP eta MS-ak bereiztu
analitikoki)
Aipatu ditugun sei item horien gainean, bakoitzaren garrantzia
maila neurtu dugu. Gehiengoarentzat, %44arentzat, soldata
garrantzitsua da. Nahiko garrantzitsua %33,3arentzat eta ez oso
garrantzitsua %13arentzat. Belaunaldiei dagokionean
garrantzitsua da gehienentzat dena dela gazteen multzo batentzat
eta 51-65 adin tartetik beste multzo batentzat ez da oso
garrantzitsua soldata. Agian, hauek ez dituzte karga ekonomiko
potoloak (hipoteka, seme-alabak…)eta horrek soldataren
garrantzia maila erlatibizatzeko aukera eskaintzen die. (hobeto
azaldu, ez dago argi jasoa!)
Garapen pertsonalari dagokionean, hau ere garrantzitsua da
%51arentzat. Oso garrantzitsua %28arentzat eta nahiko
garrantzitsua %18arentzat. Beraz, argi dago gehiengo
zabalarentzat garrantzitsua edo oso garrantzitsua dela garapen
pertsonalerako aukera.
Lanpostu segurua izatea ere garrantzitsua edo oso garrantzitsua
da gehienentzat. Oso garrantzitsua %25arentzat, garrantzitsua
%53,4arentzat eta nahiko garrantzitsua %5arentzat. Belaunaldiei
dagokionean ez dago alde handirik datuetan, adin tarte guztietan
da garrantzitsu lanpostu segurua izatea.
Zentzu kolektiboagoa duten motibazioei dagokienean, berriz,
garrantzitsua edo nahiko garrantzitsua da gizartea hobetzen edo
74 Azkarraga Etxagibel, J.: Nor bere patroi. Arrasateko kooperatibistak aro
globalaren aurrean, Eusko Jaurlaritza, 2007, 316.orrialdea.
470