Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
Bada ikuspegi baikorrik horri dagokionean ere, gazte hauen
iritziz badago kolektiboko gazteengan masa bat jarrera ona
daukana eta lanerako prest agertzen dena. Eurak ere, organoetan
parte hartzeko prest leudekela aitortu dute.
298
“nik bai. Danetik egongo da baina uste dot
badauela masa bat holan jarrera ona daukana. Nik hori
uste dot.” (ET4;H2)
“bai, nik uste dot jentia badauela dispuesto.
Ikusten da batzuk ia eitten daubiela borroka apur bat
edo kontra gauza batzutan.” (ET4;H1)
4.5. Gainegiturak: Mondragon Taldea 70 eta Fagor Taldea
Puntu honetan gainegiturak izango ditugu aztergai. Lehenik eta
behin Mondragon Taldeari buruzkoak aztertuko ditugu eta bigarren
zatian Fagor Taldeari buruzko pertzepzio eta iritziak bildu eta
aztertuko ditugu.
Mondragon Taldearen egitura nahiko urruti bizi dutela aitortu
dute gehientsuenek. Halere, 1-1 partaidearentzat urruti sentitu
eta bizi arren Mondragon moduko gainegitura bat beharrezkoa da.
Dena dela, Mondragonek Arrasate (Kooperatiba) hobeto ezagutzeko
ahalegina egin beharko lukeela uste du.
“MCC bizi dou nahiko urrin baina, nik MCC uste
dot beharrezkua dala. Baina, ikusten dot urrin samar
eta guk ikusten dou urrin xamar eta MCCk Arrasate be
bai e, Arrasaten MCCk ezautuko dau gauza bat o bi,
baina beste gauza guztiak eh, eztau ezauten eta
ezautu bilauke. Guk eztaukou MCC gauza bat bakarrik
ezautzeko! Ez gauke euki bihar.” (ET1;H1)
4.5.1 MCC laguntzeko tresna moduan
Mondragon Taldeak proiektua aurrera eramaten lagundu beharko
luke, ez bakarrik arlo enpresariala indartzeko baizik eta arlo
soziala indartzen ere lagundu beharko luke. Kooperatibei
kooperatibagintzan sakontzen lagundu beharko lukeela uste du.
“gauza guztietan laguntzeko, eta erabakitzeko
eta hobetzeko. Esaten dot kooperatiba bezela eta ez
bakarrik resultauak. Oso inportantiak dia, hori barik
eztia ezer baina gero beste gauza batzuk be badauz
e.” (ET1;H1)
Azken finean, proiektua aurrera eramaten laguntzeko tresna izan
behar du Mondragon Taldearen inguruan dagoen gainegitura horrek.
70 Mondragon Taldea izena MCCri 2008ko urtean aldatu zioten, horregaitik
eztabaida taldetan jasotako zitetan MCC agertzen da, izena aurretik eginak
baitira.