Diskurtso kooperatiboak langile-kolektiboan ... - Euskara

Atal enpirikoa
Azterketa kuantitatiboa
Kooperatibak zein laguntza ematen dituen jakitea motibazio
elementu
Kooperatibak zein laguntza ematen dituen jakitea motibazio
elementu bat izan daiteke gehiengoaren iritziz (%67a ados edo
erabat ados). Helduenak baikorren agertu dira, beste bi adin
tartetik multzo handi batek ez dauka iritzi garbirik. (20-30:
%31,8ak; eta 31-50: %32,4k ez ados/ ez kontra markatu dute).
Seguruenez, helduenen multzoko kideentzat motibagarria izan da
euren ibilbidean zehar ikastolei edo eta bailarako beste
proiektuetan laguntzea. Askotan entzun izan diogu Fagor
Arrasateko Joxean Alustiza lehendakariari garai batean emandako
laguntzez harro hitz egiten dutela erretiroa hartzerako orduan
euren ibilbidean zehar egindakoaz gogoeta eginez.
5.1.10 Hezkuntza kooperatiboa
Azken hamarkadatako hezkuntza-defizita (nagusiki
Arizmendiarrieta hil ostekoa) aipatu dugu atal teorikoan. Izaera
teknikoko hezkuntza garatu da bai, baina kooperatibismoaren
zentzu kolektiboak (ber)ekoizteko, transmititzeko eta
berriztatzeko ez da plan sistematikorik egon. Inertziek,
egunerokotasunak markatu dute norabidea (edo norabide eza).
“Indarrean dagoenarekin bat ez datorren ezein
esperientziak ezin dio bere identitateari eutsi, ez
badu bere kideen artean etengabe elikatzen
autoulermen eta autodefinizio kolektiboa” 72 .
Fagor Arrasateko kolektiboarentzat hezkuntza kooperatiboa
nolakoa izan den aztertu nahi izan dugu. Gehiengoaren iritziz
orain arte egindakoa ez da nahikoa izan, hauen ustez ere
hezkuntza kooperatiboaren defizita nabarmena izan da.
Belaunaldi berriei ez zaie transmititu
Era berean belaunaldi berriei ez zaiela egoki transmititu
kooperatibismoa uste dute gehienek. Puntu honekin gazteak agertu
dira kritikoen; %80a baieztapenaren kontra agertu da. 51-65 adin
tartean “ez ados/ez kontra” markatu du multzo batek, %40ak.
Jaso duten hezkuntza ez dela egokia uste dute gazteenek. Beste
adin tarteetan bestelako datuak aurkitu ditugu: gehiengoarentzat
egokia izan da jasotako hezkuntza kooperatiboa. Halere,
hezkuntza kooperatiboan orain arte egin dena ez bada nahikoa
izan (gehiengoak hori uste duela esan dugu aurreko puntuan),
belaunaldi zaharrenek egunerokotasunean jasoko zituzten
seguruenik kooperatibismoari dagozkion ezagutzak. Kooperatiban
transmitituko zitzaien kooperatibak aurrera egin zezan
72 Joseba Azkarraga, Nor bere patroi. Arrasateko kooperatibistak aro globalaren
aurrean, Eusko Jaurlaritza, 2007, 287 .orrialdea.
468