Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
azken hamarkadatan baina zeintzuk izan dira aldaketa horretarako
gakoak? Zerk eragin du aldaketa? Zeintzuk dira faktoreelementuak?
Gaur egungo enpresa ereduarekin oso kritiko agertzen dira
batzuk. Arlo enpresarialari erantzutera bakarrik mugatzen ei
da. Soldata onak irabazi eta enpresa onak izatea bakarrik dago
gaur egungo kooperatiben oinarrian. Eta hori horrela izan ez
dadin ez da ezer egiten. Horretan bihurtu dituzte
kooperatibistek eurek euren kooperatibak. Ez dago erantzukizuna
besteenganatzerik, eurek utzi dute balantzaren alde horretara
eramaten, autokritika handia ageri da.
“gaur bihurtu dou enpresa hau, ba, soldata onak
irabaztera eta kapitalista enpresa bat izatera. Eta
hori, guk nausixak, hemen gazen nausixenak. Zeatik?
Bestiek bultzatu dabielako eta gu horren aldera juan
garielako edo ez dakit zeatik. Baina neretzako, gaur
kooperatiba, gaur egun, eta ikusten danez geruau da
gehixau. Puesto seguru bat, soldata on bat, eta
bakoitxak ein deixela gure dauena. Etxaixak noiz
arteko resultaua emongo dauen…” (ET1;H1)
Denboraren inguruko kezka ere ageri da goiko paragrafoan. 1-1
partaideak ez du uste asko iraun dezakeenik gaur egungo
planteamendu horrek. Etorkizunera begira soldata onak eta
lanpostu seguruak baino zerbait gehiago eskaini beharko dutela
uste du biziraun eta kooperatibak izaten jarraitzeko.
4.2.3 Espiritu kooperatibista galdu da
Espiritu kooperatibista galduta dago lau hamarkadatako ibilbidea
egin duen 2-1 partaidearen irudiko. Zergaitik galdu den? Bere
irakurketatik gazteriak dena eskura edukitzeak ez du lagundu.
“neuretako galduta dau espiritu kooperatibistie.
Nik ezautu nauena galduta dau. Zeaittik? Neuretako e,
fundamentala izan da gaztarua etorri dala, dana
eskura eduki dabela. Gure sasoien etzauen diruik. Ez
zan irabazten. Eta gaur egun pasetan dana da eskura
daukiela dana, nik hau gurot eta hau emuten akie
umiei. Ta kao horrek formaziño bat emuten dau pentsau
ez arren. Eta erraz hartzen daue. Ta gero
bestaldetik, hona etorten dienian formaziñoik ez
badau ba hori gertatzen da nire iritziz.” (ET2;H1)
Dena den, gazteek ez ezik helduagoak direnek ere ilusioa galdu
dutela aitortzen du.
“nik neuk ilusiño asko galdu dot
kooperatibismuaz e!” (ET2;H1)
270