Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
mailakoak eta bigarren mailakoak ditugu. Ez gara gai elkartasuna
gure artean praktikan jartzeko, nola izango gara eredu beste
batzuentzat?
“Solidaridad hitza gaur egun hiztegixan
existiduko da, baina errealidadian? Gaur egun
danok gara burgestxo batzuk. Ez gara izan kapaz
transmititzeko. Gaur egun kooperatibista batzuk
dia de primera eta beste batzuk de segunda”
(azaroak 19)
Erabaki asko ere, etikoki eta kooperatibaren espirituaren
kontrakoak izan dira azken urte hauetan. Horrek ere, azken
baten, mesfidantza eta identifikazio eza elikatzen ditu.
“Geu be negreruak gaittuk. Etxeko mutikuak
formau eta zainddu biharrian kanpokuak ekarri,
sobran darenak edo. Sartu gaittuk en el mundo
kapitalista finantzatan be, Caja Laboral eta
BBV. Horrek erabakixok hartu dittue los capos de
MCC.” (azaroak 19)
Formazio kooperatiboan huts egin da
Hezkuntza eta formazio kooperatiboari dagokionean ez da ezer ere
egin azken bi hamarkadatan. Kooperatiban sartzerakoan ez da ezer
eskatzen, ez da harrera planik egiten.
“Lo que falla es que no hay un plan de acogida.
Aunque dudo de que a la gente le importe de
verdad el cooperativismo.” (Abenduak 3)
Eskola profesionalak (gaur egungo Goi Eskola Politeknikoa)ere,
ez du kooperatibagintzari lotutako ezer eskaintzen.
“Eskola profesionalak huts egin du kultura
mailan, hori oin eta orain dela 30 urte ere
gertatzen zen.” (azaroak 19)
Era berean, Mondragon Unibertsitatea oso da garestia eta jende
askori ezinezkoa zaio bertan ikastea.
“Ingeneritza eskola elite erakoa da”.(urtarrilak
21)
Jarrera ezkor eta pesimista ageri da behin da berriz, dena
gaizki doa baina ez du alternatibarik eskaintzen. Norbaitek
gidatzen du kooperatiba, “besteak” du gaizki joatearen erru zati
handi bat. Norbaitek gidatzen gaitu baina ez dugu bolanterik
ikusten, ez daukagu erabaki ahalmenik, beraz, zertarako parte
hartu? Hau ez da kooperatiba bat eta hori saltzen digute.
240