Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
Etxuat ikusten… etxuat esan nahi horrekin dana
soluzionauta daonik, baina dittuk puntu batzuk
sozialmente geuazela oso alkartuta danok. Joe,
niretzako proiektu hartan oso inportantia zuan, nik
horregatik esate juat ez gaiela kapaz izen gu gaur
eguneko proiektu bat aurrera atarateko. Da, hor
daukouela gure akatsa. Adaptatzia gaur egunerako.”
(ET1;H1)
“Ez dugu jakin gaur egunera orduko proiektu eta ilusio hori
ekarri eta aldi berean gaurkotzen”. 1-1 partaideak hor ikusten
du akatsa: ez da gaurkotzean asmatu. Sozialki zegoen klima ez da
zaindu eta horrek eragina du jendearen ilusio, sinesmen eta
ondorioz inplikazio mailan.
Lehengo kooperatibismoan akatsak ere gogorrak ziren 2-2
partadearen ustez. Krontola askoz ere handiagoa zen eta bere
iritzian lana behartuta egiten zen eta ez gogoz eta ilusioz.
Orain jendeak inor atzetik edukitzeke sendo lan egiten duela
diosku. Kultura militar gehiago ei zegoen eta beraz, lanerako
askatasun gutxiago.
“bueno, baina lehenau danak be lorak ezian.
Lehenau akatsak gogorrak zeuzan. Ze lehenau esan
leike lehenengoko grupo fuerte bat, montau zeuenak
eta eurek be islada bezela zien. Jende barrixa
etorten zanien, jente barrixoi egoten zan kontrolauta
a tope. Eta nik barriz akats haundixa ikusten nauen
jende barrixorren horren lana baino konportamentua
gehixau segitzen zala. Da gaur konportamentua ez da
hainbeste zaintzen da jendiak lana eitten dau
gustora. Lehen eitten zendun asko be gehixau
obligauta; hik esan duana atzetik taka taka
mailukiakin. Oin atzetik inor ez dabil da jende askok
lana eitten dau a tope. Osake badauke gauza
positibuak oin be, da lehen be bai… Da gazterixia
ikusi ebienian ba oin guk gazterixiagatik esaten
douena, beste batzuk eitten zauen lehen ba beste
kultura batekin. Con más cultura militar.” (ET2;H2)
4.2.2 Sorrerako testuinguruaren deskribapena
Baina nolakoa zen sorrerako testuingurua? Ezin dugu ahaztu
sorrerako garai hark bazituela berezko ezaugarri eta elementu
batzuk. Ezin dela ordukoa gaur egunera besterik gabe ekarri edo
eta alderantziz. Garai hartan demokraziarik ez zegoen, ez
gizartean ez eta lantegietan ere. Gaur egun lantegietan egon
daitekeen askatasun maila antzerakoa izan daiteke kooperatiba
batean zein SA batean. Ez da egitura juridikoaren araberakoa
izango pertsonak aintzat hartzeko ahalegina, baizik eta
kargudun postuetan dauden pertsonen izaeraren araberakoa.
268