Diskurtso kooperatiboak langile-kolektiboan ... - Euskara

Atal teorikoa
Fagor Arrasateren ibilbide historikoa
1962-1967
2. Ularco-ren sorrera
sociedad sigue en pie.” (1962ko
Memoria)
Kooperatiben arteko elkartasuna Ularco izenez ezagutu zen
erakundea osatuta gorpuztu zen 1964. urtean. Ordurako, Lankide
Aurrezkiak laguntza finantzario eta ekonomikoa bermatzen zuen
eta kooperatiben arteko elkarlana geroz eta estuagoa zen.
Horrela, Ularco, Complejo Industrial Cooperativo izenaz
eratutako taldeak 1962 urtera arte bitartean sortu ziren
kooperatiba industrialak bateratzeaz gain enpresa arloa eta
soziala sendotzea zuen helburu.
Haserako taldearen osaketan Ulgor, Arrasate, Copreci eta Cometek
(gaur egungo Ederlan-ek) parte hartu zuten. Elkartzea
konpromiso eta elkartasun komunitarioan oinarritu zen.
Taldeko kooperatibek autonomia apur bat galduko bazuten ere,
abantailak ugariak izango ziren, ordura arte laguntza jaso zuen
Arrasate kooperatibak ordutik aurrera laguntzeko aukera ere
bazuelako eta interdependentzian babesa egon zitekeen ustearekin
egin zuen bat taldeko printzipio eta araudiarekin. Enbrioi eta
hastapen haietatik orain ezagutzen dugun MCC sortu zela esan
dezakegu, maila apalagoan baina helburu berdinekin.
2.1. Enpresa politika
“Al dar vida a este ente hemos
conseguido un afianzamiento
empresarial y social que quizá hoy no
alcancemos a ver en toda su magnitud.
El tiempo hará desfilar ante nuestras
mentes realidades que hoy solamente
imaginamos de forma confusa.” (1964ko
Memoria)
Ordura arte, enpresa bakoitzak bere kabuz lan egiten zuen,
bakoitzak bere araudi eta lan egiteko era zuen. Taldearen
osaketak berriz, enpresa politika bateratua eta beste abantaila
asko ekarriko zituen. Politika berri honen ezaugarri nagusietako
bat talde barruko dibertsitatea zen.
Taldeko kooperatiba bakoitzak produktu zehatz bat eskaini
beharko zuen eta Arrasateren kasuan eta 1965eko memorian
jasotzen denez, txaparen manipulazioa ez den beste guztia alde
batera utzi beharko zuen; horrela, konpetenteagoa eta efizientea
izateko aukera izango zuelakoan.
Bateratzeak funtzionamenduari ekarri zizkion hobekuntzak ere
azpimarratzekoak ziren, esaterako orduko sistema administratibo,
produktibo eta salmenta sailetan gertatu zirenak. Sistemak
163