Diskurtso kooperatiboak langile-kolektiboan ... - Euskara

Atal teorikoa
Arrasateko Kooperatiba Esperientziaren ibilbide historikoa
egituratutako inguruko gizarte testuinguruetan gertatzen dira.
Ideia horren harira, autoreak identitatea eraikitzeko hiru mota
bereizten ditu:
128
• Identitate legitimatzailea. Gizarte instituzio
nagusietan du iturburua, eta aktore sozialen gaineko
dominazioa arrazionalizatu eta hedatzea du helburu.
Instituzioek eragindako identitateak dira, hortik
legitimazioa jasotzen dutelako, ordena instituzionalak
sortutako espazioa erabiliko dutelako aktore sozialek
(GKEak, langile mugimendua…). Identitatearen
eraikuntzaren prozesu bakoitzak, gizartearen eraketa bat
ala bestea eragiten du. Identitate legitimatzaileek,
zentzu horretan, gizarte zibila produzitzen dute:
erakunde eta instituzio multzo bat, baita ere aktore
sozial antolatu eta egituratu batzuk, dominazio
estrukturalerako beharrezkoak diren identitateak
erreproduzitzen dituztenak.
• Erresistentzia-identitatea. Dominazioaren logikak
estigmatizatutako posizioetan aurkitzen diren aktoreek
eratutako identitateak dira. Gutxiespen sozialeko
baldintza horietatik, erresistentzia eremuak eraikitzen
dira.Gizarteko instituzioekin alderatuta, printzipio
ezberdin edo kontrajarrietan oinarrituz. Bigarren
identitate eraketa prozesu honek komunitateak sortzen
ditu (edo komunak). Autorearen iritzian baliteke era
honetakoak izatea gure gizarteko identitate eraketa
garrantzitsuenak. Opresioaren aurkako erresistentzia
kolektiboak eraikitzea dute helburu. Identitate
defentsiboak, ideologia nagusiek igorritako balore
nagusiei buelta ematea bilatzen dutenak, errealitatearen
bestelako irakurketak sustatuz eta ofizialtasunarekiko
mugak eta diferentziak indartuz.
• Proiektu-identitatea. Aktore sozialek, eskura dituzten
kultur material ezberdinak erabiliz identitate berria
eraikitzen dute. Modu horretan, gizartean duten lekua
birdefinitzen dute. Hori egitean, gizarte-egitura
osoaren eraldaketa bilatzen dute. Autoreak feministak
jartzen ditu adibide gisa. Feministek, erresistentzia
identitatea eta emakumeen eskubideak utzi, eta
patriarkatua desafiatzen dutenean, hots, gizartearen
oinarri historikoak eurak (familia patriarkala,
produkzio egiturak, erreprodukzio egiturak, sexualitatea
eta pertsonalitate egiturak) desafiatzen dituztenean
aldaketak eragiten dituzte. Lehengo kasuan (identitate
legitimatzailea) gizarte zibila eta bigarrenean
(Erresistentzia identitatea) komunitateak sortzen
badira, hirugarren honetan subjektuak sortuko dira,
Alain Touraine-n definizioaren haritik. Subjektuak ez
dira indibiduoak, indibiduoez osatuta badaude ere.