Diskurtso kooperatiboak langile-kolektiboan ... - Euskara

Atal enpirikoa
Eztabaida Taldeen azterketa
elkartasun hoi. Gu hemenguak, gu hemenguak, guk gure
identidadia baina munduan ziher zabalduta.” (ET1-H1)
1-4 partaideak negozioaren arloa nahiko ondo joango dela uste
du. Baina jendearen inplikazioa lortzeko beste zerbait egin ahal
izatea gustatuko litzaioke, oso ondo zer ez dakien arren.
“nik negozioa ikusten dot, ba, oin doian bidia
bastante ona dala ez? Bastante ondo doia, baina
sozial mailan jendia askoz gehixau inplikau biheko
zala pentsatzen dot, izeteko egoera bat hobia edo
askoz gehixau inplikau jendia bere lanian eta danian.
Ikusten dot lehen komentau douena, askoz gehixau
inplikau bihako zan jendia.” (ET1-H4)
1-5 partaide gazteari, Fagorrek sozialki ere lan bat egitea
gustatuko litzaioke (Sahara eta Iparraldeko Ikastolen proiektuak
aipatu ditu). Arrasaten barrutik (kooperatibatik) kanporako
(gizarterako) lan sozial bat egitea izan behar luke iparretako
bat.
“ni bat nator horreaz, eta ez bakarrik
pertsonakiko. Dalako halako inplikaziño gehixau, oin
ikusten da apurtxo bat lantzen hasi dana ez? 0.7 hori
eta gauza horrek, benetan, Fagor moduen lan sozial
bat be eittia be kanporuntz. Ta aprobetxetia guk
daukouen diru hori ba benetan ba, zeozer politta
itxeko ta lagunteko biha dan jendiandako. Ta hori
ointxe hasi da ta nik espero dot hori pixkanaka
handitzen juatia. Baina karo hortarako be beti ondo
egon biha da.” (ET1-H5)
4.7. Euskal kooperatibismoaren ekarpenaz
Ze ekarpen egin dio euskal gizarteari kooperatibismoak? Galdera
hori luzatu diegu eta 1-1 partaideak ez du zalantzarik egin.
Euskal gizarteari kooperatibismoak gauza asko aportatu dizkiola
dio. Lasaitasun bat eta ilusio bat eman ei dizkio, lasaitasun
bat lanpostu bat izatearekin lotuta eta ilusio bat proiektu
bateko kide izateko aukera eskainiz. Bi osagai horiek emanda,
dena eman omen du kooperatibismoak.
“Euskal gizartiai gauza pilo bat,
kooperatibismuak aportau dotza gauza pila bat, guri
aportau dozku pertsonalmente guri, guk aprobetxau dou
oso ondo, gureaz batera ba, portzentaje haundi bati.
Emontzo ba, behintzet lasaitasun bat, lasaitasun bat,
honeik gaztiok esaten dauen bezela. Bestetik emuntzo
ilusiño bat, jende pila bati emuntzo ilusiño bat.
Eta… emun botzo lasaitasun bat, ilusiño bat, ba
bizitza guztia emuntzo!” (ET1;H1)
311