Diskurtso kooperatiboak langile-kolektiboan ... - Euskara

Atal teorikoa
Sorrerako garaiak
falta sortu zen herrian, Espainia osoan bezala. Sua egiteko egur
eta ikatza lortzea ere ez zen batere erraza. Industriak geroz
eta pisu handiagoa zuen.
Garaiko enpresa garrantzitsuena zen Unión Cerrajera de
Mondragon-ek 1939ko irailean Aprendizen Eskola (Escuela de
aprendices) izeneko eskola sortu zuen. handik bi urtetara iritsi
zen On Jose Maria Arizmendiarrieta Arrasateko parrokiara
laguntzaile moduan.
Gerraosteko egoera sozio ekonomikoa negargarria zen eta hasi
berri zegoen kooperatiba esperientziak ilusio asko piztu zuen.
Lan duina, pertsonarekiko errespetua, barne demokrazia, jabetza
elkar banatua, soldata onargarria... Protekzionismo (politiko,
sindikal, merkatukoa, ekonomikoa) egoera baten garatu zen
hasierako enpresa jarduera. Arrakasta izateko aukera handiak
zituzten gutxieneko seriotasuna erakusten zuten enpresa proiektu
gehienek.
Baldintza horietan sortu eta hasi zen garatzen esperientzia.
Gerraostea bizi zuen herriaren beharra ikaragarria zen eta
itxaropen eta ilusioen zain zegoen gazteria.
Egin dezagun hemen geldiunetxo bat ibilbidean zehar, goazen
Arizmendiarrietaren pentsamendua aztertu eta esperientziaren
sakoneko motibazioak ezagutzera.
1.1.2 Esperientziaren erro ideologikoak
Pertsonalismoaren ildotik jorratu zuen pertsona eta
komunitatearen inguruko pentsamendu osoa. Pertsonaren kontzeptua
oinarritzat hartuz (komunitatean integratutako gizakia, ez
gizaki isolatua) Arrasateren berpizte ekonomiko, sozial eta
morala bultzatzen saiatu zen.
Arrasatera iritsi bezain laster, gazte taldeekin lanean hasi
zen Acción Católica elkartearen bitartez. Gazteengan ikusten
zuen etorkizun askea lortzeko modua. Horrela, gazteen
hezkuntzan eta partehartzean ahalegin nabaria egin zuen
Arrasaten igarotako lehen urteetan.
Arizmendiarrietaren pentsamendua pentsamendu zabala eta malgua
da, bilakaera gaitasun interesgarria agertzen duena. Hainbat
iturritatik edan eta pentsamendu praktiko propioa garatu zuen,
ekintzara bideratutako filosofia sendoa. Bere iturri nagusiak
ondoren azaltzen ditugunak izan ziren.
91