Diskurtso kooperatiboak langile-kolektiboan ... - Euskara

Atal enpirikoa
Emaitza orokorrak
tarterik eskaintzen duenik. Benetan merkatu globalizatuan
iraungo badugu energia eta baliabide guztiak enpresa arloa
lantzeari dedikatu beharko dizkiogu. Arlo sozialaren tartea
gutxitzen joan da historikoki, gaur egungo joera ere hori da:
merkatuaren exijentziak direla eta, bestelako logikatarako
tartea txikitzen joan da.
Azkenik, Itxaropenaren diskurtsoaren eremua deskribatzea
geratzen zaigu. Eremu honetan identifikatu ditugun elementu
esanguratsuenak honakoak dira: jarrera baikor eta eraikitzailea
eta erantzukizunaren asumitzea. Hauek erantzukizuna euren gain
hartzen dute, aldarrikatzetik ezer gutxi lortzen da begiratu
honen arabera. Hobe da subjektu aktibo izan eta, barne
mekanismoak erabiliz, gustuko dena mantendu eta aldaketarako
proposamenak lantzea.
Horraino lehen hurbilpenak emandako emaitzen interpretaziotik
eratorritakoa. Hurrengo orrialdeetan, eztabaida taldeetan
landutako elementuak aztertu ondoren, taulatan diskurtso
ezberdinen atzean kokatuko ditugu aurkitu ditugun diskurtsoelementu
ezberdinak.
Lehen esan bezala eztabaida taldeetan ere hiru diskurtso nagusi
identifikatu ditugu. Hortik aurrera, aurrerapauso bat egin dugu:
diskurtso eraikitzailea deitu duguna hiru azpi-diskurtsotan
banatu dugu. Eraikitzailearen barruan, nostalgikoa, ezjakina eta
eraikitzaile pragmatikoa deitu ditugun azpi-diskurtsoak bereizi
ditugu.
Beraz, aztertutako lau eztabaida taldeetan identifikatutako
elementuak diskurtsoetan kokatzeko ahalegina egingo dugu
hurrengo taulatan. Lehenengo taulan aurkakotasunean
oinarritutako diskurtsoa eta etsipenean oinarritutakoa agertuko
ditugu. Bigarrenean, diskurtso eraikitzailea eta beronen azpidiskurtsoak
landuko ditugu.
Aurkakotasunean
oinarritutako diskurtsoa
- Kooperatiban inplikazio
handiagoa egon beharko litzateke,
baina gero praktikan SA baten
moduan funtzionatzen du.
- Eredu kooperatiboa eta bestelako
ereduaren artean ez dago alderik.
- Arlo enpresariala baino ez da
zaintzen.
- Jendeak ez du organoetan parte
hartzerik nahi.
Etsipenean oinarritutako
diskurtsoa
- “Jada ez dugu lehen jartzen
genuena jartzen”. Sorreran zegoen
giroa desagertu egin da. Gazteek
ez dute “ezer jartzen”.(Galera
sentimendua).
- Sorrerako garaietako ilusioa
itzaltzen utzi da.
- Kooperatibismoa sistema bezala
kapitalismorantz hurreratzen doa.
- Espiritu kooperatibista galdu
da.
- Arlo enpresarialak baldintzatzen
gaitu, zaila da kooperatibaren
arlo soziala lantzea testuinguru
ekonomiko honetan.
485