Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
3-5 partaidearen ustez kooperatiban pertsona moduan zaukate
baina bestelako enpresa askotan lan harremanak bestelakoak
direla uste ditu.
“Pertsona bat moduan, pertsona bat pertsona
baten kontra. Beste aldian, zea zenbaki bat jefian
kontra. Harremanak enpresa pribatuetan, ez dozu
ikusiko bazkal bat eitten langileekin, edo komedore
berdinian bazkaltzen.” (ET3;H5)
Enpresa formula bat baino gehiago da kooperatiba, baina
horretarako lehen premisa bete behar da: errentagarria izan
behar du kooperatibak. Hortik aurrera beste aldea garatzeko
borondatea erakusteko aukera dago.
“bai bada. Minimo bat daukazu, rentable izan
biha za, lehenengo enpresa bat izan biha zan. Bestela
beste aldia ezin da garatu, ia helburu hori betetzen
dozunian ba ia eman ein bihozu.” (ET3;H2)
Interkooperazioa bereizgarri
Interkooperazio sistema da askorentzat Arrasateko Kooperatiba
Esperientzia osatzen duten kooperatiben bereizgarri
nagusienetakoa. Taldean egoteak eskaintzen duen babesa
ezinbesteko ikusten dute askok Arrasate eta beste kooperatiba
batzuk historian zehar mantendu ahal izateko.
“kooperatibak alkarri lagundu ezpagotzo, bat
estuazun baten badau ta beste batek emoten doutso
lana, jentia enpleetan da beste kooperatiba baten eta
hola defendidu eitten da, gu Arrasaten geure kontura
ibili bagitzen ba… biharbada atiek zerrauta egongo
zien gaur.” (ET1;H3)
Kooperatiba bat estuasun bat pasatzen balego eta langileak
soberan balitu langileak egoera hobean leudeken beste
kooperatiba batzuetan birkokatuko lirateke. Galerak izango
balitu beste kooperatibetako irabazietatik lagunduko litzaioke
horrela bere biziraupena ziurtatuz.
“baine, bestien babesaz da laguntasunaz
mantenidu eitten ga. Da oin momentun ondo gabiz. Da
guk babestu bihako dittugu beste batzuk, da igual
hemendik urte batzutara ba, alderantziz izengo da.
Trabez edo kurutzez jarraittu, aurrera eitten dou. Da
hori enpresa kapitalista baten arrisku gehixau dau.”
(ET1;H3)
262