Diskurtso kooperatiboak langile-kolektiboan ... - Euskara

Atal enpirikoa
Azterketa kuantitatiboaren ondorioak
aldatzen aportatzea gehiengoarentzat. Horren adierazgarri ditugu
seguruenik, azken urteotan Arrasatek bultzatu dituen bi
proiektuak ere.
Adin tarteei dagozkien datuei erreparatuta, gazteen multzotik
gehiengoak, %45ak gizartea aldatzen edo aldatzen aportatzea
nahiko garrantzitsua dela markatu du. Beste bi adin tarteentzako
garrantzia maila altuagoa du motibazio elementu honek.
Lanpostuak sortzen laguntzea garrantzitsua da galdetutakoen
artetik %53,6arentzat eta oso garrantzitsua %25arentzat.
Gizarteko proiektu eta proiektu sozialei laguntzea ere
garrantzitsua da %56arentzat eta oso garrantzitsua %18arentzat.
Nahiko garrantzitsua aldiz, %23,8arentzat. Nagusienek garrantzia
maila handiagoa ematen diote lanpostuak sortzen laguntzeari
beste bi adin tarteek baino. Gazteenen kasuan, esate baterako,
%32ak lanpostuak sortzen laguntzea nahiko garrantzitsua dela
markatu du. 51-65 adin tartean, aldiz, garrantzitsua %48ak eta
oso garrantzitsua %40,7ak. Nahiko garrantzitsua %7,4ak besterik
ez.
Gizarteko hezkuntza proiektu eta proiektu sozialei laguntza
ematearekin ere aurreko motibazio elementuarekin gertatzen zen
moduko zerbait gertatzen da. Helduenek garrantzia handia ematen
diote eta gazteek ez hainbesterainokoa. 20-30 urte bitartekoen
datuak besteenak baino apalagoak dira eta badirudi horrek zera
adierazten digula: beste bi adin tarteetan gizarteko proiektuei
laguntza ematearen motibazio elementua barneratuagoa dutela.
Ikusi dugunez, aztertutako motibazio elementu guztiak dira
garrantzitsuak gehiengoarentzat. Halere, xehetasunez begiratuz
gero, motibazio sozialen eta motibazio pertsonalagoen artean
alderik badela konturatuko gara.
5.1.12 Motibazio sozialak motibazio indibidualak baino
ahulago
Orain arteko datuak aztertu ostean, orokorrean, motibazio
pertsonalak motibazio kolektiboak baino inportanteagoak direla
esan dezakegu. Galdetutakoen artetik gehiengoak garrantzia maila
altuagoa aitortu dio motibazio pertsonalen zakuan kokatu ditugun
motibazio elementuei (soldata, lanpostu segurua eta garapen
pertsonalerako aukera).
Motibazio sozialei dagokionean, ikusi dugu belaunaldi
berrientzat ez direla hain garrantzitsuak. Motibazio iturri edo
motibazio elementu direnak batez ere, badirudi soldata eta
garapen pertsonalerako aukera direla, lanpostu segurua
izatearekin batera.
Badirudi azken hamarkadan ideologia eta proiektu kolektiboen
ordez indibidualismoa ari zaigula azaleratzen. Atal teorikoan
471