Diskurtso kooperatiboak langile-kolektiboan ... - Euskara

Atal enpirikoa
Eztabaida Taldeen azterketa
2-1 partaidearen iritziz, motibazio nagusia orain eta lehen
dirua irabaztea zen, baina egia da baita ere, kooperatiban beste
elementu batzuk ere bilatzen direla.
“nik hori argi dauket. Nik diru biharrik ez
baneu eduki ez nintzake etorriko lanera, ezta oin
dala berrogei urte be! Hori garbixe da.” (ET2;H1)
“hori garbixe da. Nik uste dot jendia diruan
bila datorrela baina hortik aparte beste
zeozer.”(ET2;H2)
4.4. Gaur egungo kooperatibagintza aztergai
Atal honetan kooperatiba bertako, Fagor Arrasateko gai eta arazo
konkretuak ezagutu eta aztertu nahi ditugu. Puntu honen barruan
kokatuko ditugu bai Arrasateko lan giroari zein partehartze
instituzionalari buruzko iritziak.
Azpiko geruza batean kokatzen diren elementuez jardungo dugu
hurrengo orriotan. Orain arte kooperatibagintzaz orokorrean
jardun dugu, pentsamenduaz eta bere ajeez. Puntu honetan
egunenorokotasunetik hurbil bizi dituzten elementuak izango
ditugu aztergai.
4.4.1 Lan harremanak eta lan-giroa Fagor Arrasaten
Sasoi batean orain baino diziplina gehiago zegoela dio 1-3
partaideak. Oraingo lan kulturan langileek badakite zer egin
behar duten eta zentzu horretan lehen baino askatasun gehiago
dago eta hori ez da ona. Langileak norbaitek gidatu behar
dituela uste du bazkide honek. Lehen baino lan gutxiago egiten
ei da eta diziplina gutxi eta askatasun larregi ei dago. Oso
kritiko eta gogor ageri zaigu.
“oin baino disziplina asko gehixau hauen. Gaur
da egune jentien mentalidadie dana bakoitxak
badakixela zer ein bi dauen. Da, jentiai itxi
itteako. Orduan ez, orduan jentiai exigidu eitteakon
da zigortu ein biha bazan, zigortu eitte zan. Da,
jendiak badaki zer ein bi dauen, da ixten botzazu
jentie desmadrau eitten da. Hori da konparaxino bat
ipinteko, kalian kendizu ertzainak eta aguzilak eta,
da, jentiak badaki ze ein bi dauen. Jendiak badaki
eztauela lapurretan ein bihar da beste gauza asko
baina ein eingo leuke. Da hemen be pasau da hori.
Gaur egun disziplina gutxi dau eta askatasun larrei
dau. Da, toki askotan ta sekziño askotan bakotxak
gura dauena eitten dau. Da, hori pekatu haundixa da
neure ustez. Lana be asko gutxiau eitten da ein
bilitzakiena baino, tailerretan da, ofizinatan ez
dakit. Ofizinatan be, desmadre dexentia egongo da
287