Diskurtso kooperatiboak langile-kolektiboan ... - Euskara

Atal enpirikoa
Emaitza orokorrak
Aurkako diskurtsoan multzokatu ditugunak berriz botere
harremanetan jartzen dute jomuga. Euren ustez kooperatibaren
gidaritza dutenei ez zaie kooperatibismoa interesatzen.
Jendearen partehartzea ez da interesatzen, lauren artean
gidatzea errazagoa da. Aldatzea nahi izan arren “ezin dugu, ez
digute uzten”.
Etsipena eta ezintasuna, etsipenaren diskurtsoaren azpian aurki
daitezkeen sentimenduak dira. Bi sentimendu hauek ez ditugu
beste gunetan aurkitu, ez behintzat neurri berean. Bereizgarria
den beste elementu bat erantzukizuna ulertzeko era da. Hauek,
erantzukizuna ez dute euren gain hartzen (itxaropenaren
diskurtsokoek ez bezala). Beste norbaitengan delegatzen dituzte
ardura eta gidaritzak. Ez dute protagonista izateko beharrik
sentitzen.
Aurkako diskurtsoak berezko duen sentimenduak, haserrea du
oinarri nagusi. Historian zehar eta batez ere gaur egun,
kooperatibagintzak bizi dituen kontraesan eta inkoherentziekiko
haserrea da diskurtso honen atzean aurki dezakeguna. Hortik,
haserretik, jarrera ezkorra gorpuzten da. Aldarrikapenean
geratzen den jarrera ezkorra. Kritikatik abiatu arren ezkortasun
horretan gelditzen den alternatibarik bako diskurtsoa.
Itxaropenaren diskurtsoak eta aurkakoak, etsipenarenak eta
itxaropenarenak konpartitzen dutena baino gehiago konpartitzen
dutela esan genezake. Biak, kritikatik abiatzen dira, aldea edo
desberdintasuna kritika motan dago. Itxaropenaren diskurtsoak
kritika eraikitzailea egiten du; aurkakoa deitu dugunak, aldiz,
proposamen eraikitzailerik gabeko kritika, salaketan
oinarritutako kritika.
Bi diskurtsoen sakonean kooperatibagintzarekiko kezka dago.
Arduratik bizi dute kooperatiba eta kooperatibagintzaren
etorkizuna. Era berean, lider sozialak formatzeko beharra
ikusten dute: Sasoi batean kooperatiba batzuetan presidenteak
betetzen zuen figura berreskuratzeko, adibidez, batzuek; beste
batzuek berriz ardatz etiko soziala garatu eta kooperatibak
barrutik elikatzeko (liderrak formula biderkatzaile
bilakatzeko).
Itxaropenaren diskurtsoak eta etsipenaren diskurtsoa deiturikoak
pragmatismoa da konpartitzen dutena. Enpresak errentagarri izan
behar du bizirauteko, lana sortu eta inbertsioak egiteko.
Horretarako enpresa arloan gauzak ondo egin behar dira. Enpresa
ikuspuntutik esperientzia arrakastatsua da gaur egungo AKE ere.
Diskurtso itxaropentsua maneiatzen dutenek enpresa arloaren
garapena, arlo sozialaren ezinbesteko baldintza gisa ikusten
dute. Enpresa arloan gauzak ondo egin ezean ez dago alderdi
soziala garatzerik. Etsipenaren diskurtsoak, aldiz, ez du uste
gaur egungo enpresa egiteko moduak arlo soziala lantzeko
484