Diskurtso kooperatiboak langile-kolektiboan ... - Euskara

Atal enpirikoa
Planteamendu metodologikoa
4.1 Azterketa kualitatiboaren helburu zehatzak:
Aipatu ditugun helburu orokorrei jarraiki, helburu zehatz hauek
ditugu azterketa kualitatiborako:
1. Kooperatibagintzaren gaineko diskurtsoak identifikatu eta
aztertzea.
2. Gaur egun ezagutzen ditugun diskurtsoekin alderatzea.
3. Belaunaldien artean diskurtso mailan dauden
ezberdintasunak aztertu eta identifikatzea.
Metodo kualitatiboaren bidez dimentsio sinbolikoa azter
dezakegu. Gizabanakoek esan edo adierazten dute azter genezake:
ideiak, sinismenak, baloreak, desioak, iparrak…. Komunikazio
sinbolikoaren bidez edo eta hizkuntzaren bidez adierazten
dituzten erreferente kultural eta ideologikoak azter ditzakegu.
Eremu sinbolikoa ez da kuantifikagarria, diskurtsibitatearen
azterketak ulermena eta interpretazioa izan behar ditu helburu.
“El grupo de discusión es,
fundamentalmente, un proyecto de conversación
socializada en el que la producción de una
situación de comunicación grupal sirve para la
captación y análisis de los discursos
ideológicos y de las representaciones simbólicas
que se asocian a cualquier fenómeno social” 64
Gure kasuan, pertsonen arteko komunikazio hori, eztabaida
taldetan gauzatu da. Beraz, eztabaida taldeetan jasotako
materialarekin diskurtsoak eraikitzeko lehen urrats batean, hiru
diskurtso bereizi ditugu. Bigarren urrats batean
kooperatibagintzaren muina diren ezaugarrien arabera aztertu
dugu. Eta azkenik gaika esandako horiek aztertuz diskurtsoak
berreraikitzen saiatu gara. Eztabaida taldeetan jasotako
elementu esanguratsuenak harremanetan jarri, ordenatu eta ildo
interpretatzaile baten arabera egituratu ditugu, diskurtso
kooperatiboen deskripzioa egin ahal izateko.
Atal enpiriko hau hiru urratsetan egin dugu. Lehenik eta behin
Eztabaida taldeetan jasotako aktak transkribatu ditugu
irakurketa orokor bat eginez. Bigarren urrats batean esaldi
emankorrenak, sentipenak, ideiak, esateko moduei, akten tonuei,
hitzei etab.-ei erreparatu diegu, diskurtsoak polarizatze
aldera.
Kualitatiborako diskurtso analisia aukeratu dugu. ET-ak antolatu
ditugu, eztabaida talde hauek batez ere diskurtsoak identifikatu
eta aztertzeko baliatu ditugu.
64 Alonso, L. Enrique: La mirada cualitativa en sociologia. Editorial
fundamentos. Madrid. 2003. 93.orr.
215