Diskurtso kooperatiboak langile-kolektiboan ... - Euskara

Atal enpirikoa
Eztabaida Taldeen azterketa
“abididez ni gaur kooperatiba bezela, Arrasate, jota
hautsita baningo MCCk zeozer lagunduko luzkit aurrera
urteten ala ez? Galdera hori da. Fagorrek bai,
taldien banau bai. Hak badakit lagundukoztena eta
berai falta eitten bajao neuk lagundu jatela be bai.
Betik hala izen dalako eta ondo einda
dagolako.”(ET2;H1)
Fagor Taldeak MCCk baino izen gehiago duela ikusten du.
“Nik uste dot Fagor Taldiek berak bakarrik izena
badaukola MCCk baino gehixau igual.” (ET2;H1)
Eta 2-3 partaideak zera erantzun dio: baietz, sentimendu mailan
Fagor Taldea gertuago sentitzen dela Mondragon Taldea baino.
“Sentimentu mailan bai.” (ET2;H3)
2-3 partaideak MCC barruan egonda Fagor Taldea talde moduan
indartuko luke ahalik eta gehien. Mondragonen barruan taldea eta
dibisioa izanda.
“Fagor Taldea indartu, ahalik eta gehien. Taldea
izanda eta dibisioa izanda. Ulmaren kasua adibidez,
dibisioa izaten. Eta Fagorrek berdina ein beharko
luke. 86tik 91rako mugimendutan MCCri Fagorrek ematen
zion izena eta orduan nahi izan zan fabrikaka
antolatu eta fabrika bakoitza jun Fagor bakoitzari
lotzen. Dibisioak hola eratu ziren. Fagor bat zan
dibisioko aitatxo eta bere umek ingurun, zertako? Ba
ume horrei indarra emateko. Horrek ein duna da
desbirtuatu taldearen izatekoa. Gehiago
desbiurtuatzen do, gailentzen dianen dibisio baten
dibisioko estatutuk Taldearen estatutuen gainetik.
Eta supedidatuta bazaude dibisio hortara. Eta guk
horregatik ein deu, argi utzi gu gerala de minima
cooperación dibisio barruan. Eta orduan gailenduko
dianak dira gure estatutuak eta autonomia geuk izango
deu.”(ET2;H3)
3-1 partaidea ere bat dator:
“MCCn barruan Fagor Grupo bezela. ULmak ein
dabena. Lehen daozen loturekin.” (ET3;H1)
Fagor Taldearen inguruko irakurketa kritikoa egiten digu 3-3
partaideak. Mondragon Taldetik Fagor Taldearen kontra egin izan
dela uste du, nahiz eta ez duen argi azaltzen zer egin duen.
Lehengo garaietaz mintzo zaigu MCC gainegitura sortu aurretiko
taldeaz.
303