Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
Gainegiturekiko mesfidantza eta haserrea
Gainegiturak sortzeak, hau da MCC edo eta Fagor Taldeko kide
izateak, diskurtso honen arabera autonomia galtzea eta
erabakiguneak delegatzea ekarri duen aldetik konfiantza galera
bat ere ekarri du. Jadanik ez dakigu non erabakitzen diren
gauzak, pertsonaren erabaki ahalmena asko gutxitu da. Jada ez
dago kooperatiban autonomiarik, erabaki guneak urrundu egin
dira.
“El hecho de haber crecido MCC. La persona no
tiene capacidad de decisión. Se ha alejado el
núcleo de decisión. Si funcionase, la soberanía
está en la Asamblea General. Funciona?. La gente
no tiene un conocimiento. Te empiezan a contar
los beneficios de otras cooperativas.” (Abenduak
3)
Gainera, erabakitzeko guneak kritikatuz gero ez dituzte kritikak
onartzen.
“Euren aldetik dana justifikatzen dabe esanaz:
“Ese es un negatibo”, “ese está quemado””
(Azaroak 19)
Onartzen den gainegitura bakarra Fagor Taldea da, Fagor Taldea
eurena sentitzen dute baina MCC-k ez du Fagor begi onez ikusten.
MCC-ren partetik Fagor Taldea apurtzeko saiakerak ere egon izan
dira.
“Kooperatiba niretzako Fagor da (ez MCC, ezta
beste inor ere). Fagor Taldia apurtzeko ahalegin
asko ein dia MCCtik, beste estamentu bat sortu
eta boteria kentzeko” (Abenduak 17)
MCC hartzen ari den iparra gure esku ere badago baina ez dugu
ezer egiten. Komodoegi bizi gara.
Inkoherentziek dena pikutara eraman dute
Gaur egungo kooperatibismoa inkoherentziaz josita dago. Ez da
printzipio eta baloreen arabera jokatzen
“Gaur egunean zer egingo luke Arizmendiarrietak?
Gizon haundi bat zan, liderra. Gu haren
segitzailiak gitzen “a ciegas”. Gero liderrak
Ormaetxea eta Gorroño zien, gaur egun ez daukagu
federik liderrekin. Konfiantza galdu dugu.”
(azaroak 19)
238