Diskurtso kooperatiboak langile-kolektiboan ... - Euskara

Atal enpirikoa
Azterketa kualitatiboa
Ildo beretik, erabaki guneak hurbiltzeko metodoetan sakondu
beharko litzatekeen moduan, indize sistematan ere berdintasun
gehiago egon beharko litzatekeela diosku. Behin ardura postu bat
izanez gero, pertsona horrek betirako mantentzen du indize
altua, behin ardura postua betetzeari utzita ere. Praktika
horrek desberdintasunak areagotzen ditu, eta 4-2 partaidearen
iritziz momentu horretan daukazun arduraren arabera kobratu
beharko litzateke.
“bai eta nik ez dot ikusten normala, zuk eukin
ahal dozu ez dakit zein responsabilidade altu eta
indize altu bat baina gero igual pertsona hori, ez
dakit zeattik, pasetan da beste postu batera ez
daukana hainbeste responsabilidade eta jarraitzen dau
indize berdinaz. Asuntua kobrau bihako litzakeela
momentu horretan daukazun responsabilidadian arabera;
behin ia ez daukazunian responsabilidade hori ba… eta
hola ba, beste hainbat gauzakin ez? Behin igotzen
zara, pasetan dozu maila, maila bat eukitera ba
azkenian danok gabiz antzera baina behin pasetan
dozunian listoi hori ba hortik gora dauena ia askoz
eliteago.” (ET4;H2)
4.3.5 Gaur egungo proiektu bila: proiektua gaurkotu
Garai bateko proiektua hitzez deskribatzea baino errazagoa zen
proiektu hartan sinestea. 1-1 partaideak dioskunez proiektua
deskribitzen zaila da, sentitu egin behar da. Eta zer da sentitu
behar dena? Hiru elementu aipatu ditu: aberastasunaren banaketa,
gizarteko beharrei erantzuten lagundu eta elkarrekin lan egitea,
konpromiso batzuei begira elkarrekin lan egitea.
“hori ez da erreza deskribitzia. Sentitzia
errezaua da deskribitzia baino e, eta azken baten
esan dia hemen gauza guztiak horren buruz sentitu
egiten dianak ez? Joe ba, aberastasunak ondo
errepartidu, aberastasunak azkenian dia gure lanak,
sozialmente horrek arlo guztiok ikastolak bestia
bestaldekua, horreik danak ondo batu, lagundu. Eta
gero hemen elkarrekin lan ein, danak konpromiso
batzukin.” (ET1;H1)
Baina, gaur egungo proiektua zein da? Zein izan beharko
litzateke? Zerk mugituko lituzke gaur egungo kooperatibistak?
Gaur egungo denboretara ekarri beharko litzateke orduko
proiektua. Salto haundia ikusi eta sentitzen du lagun honek.
Gazteek ez dutela berdin sentitzen eta sinesten uste du. Garai
hartan, sorrera garaian, langileen eskubideak zapalduta zeuden.
Baina gaur egun jada hainbat eskubide sozial eskuratuta daude
gizarte mailan. Beraz, gaur egun beste arlo batzuk landu beharko
282