Diskurtso kooperatiboak langile-kolektiboan ... - Euskara

Atal teorikoa
Fagor Arrasateren ibilbide historikoa
1989-1995
Eskaerek berriz gora egin zutenean, 1996tik aurrera, jende
gaztea kontratatzen hasi zen Arrasate; ordurako, ordea, urtetan
esperientzia metatutako langileak ez zeuden, gazteek eurengandik
ikas zezaten.
Aurrejubilazioen aukera kooperatiba askotan izan zen
langabeziari aurre egiteko neurria. Dena dela, negozioaren
ezaugarriengatik, Arrasaten nabaritu zen gehienbat hauek
utzitako hutsunea.
“Zenbakitan
aurrejubilazioak
errentagarriak dira, baina
esperientzia oso garrantzitsua den
enpresetan, gurean gertatzen den
bezala, jakintza askodun langilea
jubilatzen denean, asko galtzen da.”
(Ramon Domaika)
Arrasatek duen produktuak esperientzia handia eskatzen du,
etengabe makina desberdinak ekoiztera behartuta baitaude.
Prentsa bakoitza, trokel bakoitza mundu oso bat da. Gehienbat
makina berezien (transferentzia) negozioan nabaritu zen
hutsunea. Hainbat langilek aitortu dutenez, tailerreko lanak
eskatzen duena esperientzia baino pentsatzen jakitea da, hau da,
momentuan momentuko arazoei irtenbide egokia topatzea, ahalik
eta azkarren:
“Betik lan diferentiak dienien, gaur
eitten dozu lan bat eta ha lana edo
antzerakua ez dozu eingo hemendik 15
urtera arte, orduen ze esperientzia
daukotzu zuk? Konturatu, pentsau eta
burua asko kantzau. Puesta a puntoko
montadoriek danak daukie hori
tankerioi: begiratu, analizau,
kriterixuak atara zer bai ta zer
ez...” (Benito Kortabarria)
Izan ere negozioaren eta lan egiteko moduaren ezaugarriengatik
urtero lauzpabost pertsona sartzea komeni da, eta ez hogei
urtetan inor sartu ez eta bat-batean taldetxoa jubilatzearekin
batera, gazteak barra-barra sartzea.
Langileriaren plangintza ezaren ondorioak gaur egun ere
begibistakoak dira Arrasaten. Ez da kontuan izan jakintzatransmisioaren
beharra, baina garrantzitsua dela jakinda ere ez
da lan erraza transmisio hori bermatzea. Gauza asko oso zailak
baitira erakusten, eta erakutsi ahal dena askok bere barnerako
gorde izan dute.
185