Diskurtso kooperatiboak langile-kolektiboan ... - Euskara

Atal enpirikoa
Lehen hurbilpena
“Lanak motibatzea nola lortu? Orain motibazio
materiala baino ez dago. Dirua da motibazio
bakarra” (abenduak 17)
Gizartea aldatu den heinean eta familiaren konfigurazioa
aldatzerakoan uneak eta guneak falta dira harremanetarako. Erraz
kontsumitzen dena erabiltzen dugu. Baita gure aisialdi tarteak
betetzeko ere. Zer eskaintzen digu kooperatibak gaur egun
dauzkagun hutsune eta beharrizanak asetzeko? Kooperatibak ere
erantzun materialak baino ez ditu asetzen.
Ez dago atzera bueltarik, kooperatibagintzak gailurra jo du
Testuingurua asko aldatu denez berrogeita hamar urte hauetan,
jada ezin da kooperatibagintza koherenterik praktikatu.
Diskurtso edo jarrera honek kooperatibismoak bereak egin dituela
uste du. . Gaur egungo erritmoek ez dute bestelako logikarik
integratzeko tarterik eskaintzen.
“Ez dago lidergorik. Lehen, Gorroñok (Alfonso
Gorroñogoitia, Fagor Etxetresnetako
fundatzailetako bat)%99 biltzen zuen. “predicaba
con el ejemplo”. Boterea eskuan izanda, besteak
bezala bizi zen.” (apirilak 22)
“Antes se vivía el cooperativismo” (Apirilak 22)
Kooperatibak sortu zireneko testuinguruan erraza ei zen enpresa
egitea. Merkatua babestuta zegoen, mugak itxita zeuden
(autarkia). Gainera testuinguru sozialak ere laguntzen zuen:
langileak zapalduta sentitzen ziren. Zentzu bat eta motibazio
batzuk konpartitzen ziren.
“Egoera zelakoa zen! Horrelako testuinguru
batean erraza zan martxan jartzea zerbait.
Baitta norbaiti jarraitzea. Herriko jendearekin
lan egiten zuen, oso inportantea zen bere
hezkuntza lana.” (Abenduak 17)
“garaiko egoera latza zen: langileak ez zuen
inolako eskubiderik. “Obreroa beti izango da
obrero”. (Abenduak 17)
Gaurko testuingurua aldiz, zeharo da ezberdina. Joera
indibidualistak dira nagusi, bakoitzak bereari begiratzen dio.
Kontsumismoaren gizartean bizi gara eta arlo soziala ere asko
aldatu da. Ez dago atzera bueltarik.
“beharretatik kapritxoetara pasa gara” (azaroak
19)
231