Diskurtso kooperatiboak langile-kolektiboan ... - Euskara

Atal teorikoa
Kooperatibismoaren bi logikak
- Barrura begira (intramuros): kooperatibek partehartze
demokratikoa dute ezaugarri.
- Kanpora begira: konpromiso soziala eta gizarte
erantzukizuna, gizartea eraldatzeko asmoa.
2. Meister eta demokraziari eusteko zailtasunak
Kooperatibagintzak orokorrean, esperientzian zehar bere balore
eta izateari eusteko zailtasunak izan ditu. Zailtasun horien
muina ikertu zuen Albert Meisterrek 1972. urtean.
Kooperatibismoak bere baitan duen oreka zail horren gaineko
gogoeta egin zuen soziologo suitzarrak.
Honako galdera honi erantzuten saiatu zen bere “Los sistemas
cooperativos: ¿democracia o tecnocracia?” lanarekin:
“Constantemente se crean cooperativas de
consumo, de vivienda y producción, y comunidades de
trabajo con las que se intenta establecer una forma
de democracia directa y restaurar los vínculos entre
el trabajo y los demás aspectos de la vida social.
¿en qué paran esos intentos cuando son confrontados
con exigencias de la gestión y del desarrollo
económico de las empresas?” 7
Demokrazia eta teknokrazia, enpresen gestioa eta garapen
ekonomikoa jartzen ditu ikerlariak parez pare. Meisterrek lau
estadio bereizten ditu kooperatiben bizi-zikloan. Hasierako
estadioan erakundeak berdintasuna, partehartzea edo demokrazia
zuzena moduko baloreak aldarrikatu eta praktikatzen ditu; baina
aurrera egin ahala tamainan eta eraginkortasunean handituz
balore horien epeltze edo ahultze bat diagnostikatzen ditu.
Gatozen Meisterren lana laburtu eta sakonago aztertzera.
7 Meister, Albert: Los sistemas cooperativos: ¿Democracia o tecnocracia?,
editorial Nova Terra, Barcelona. 9.orrialdea.
29