Diskurtso kooperatiboak langile-kolektiboan ... - Euskara

Atal enpirikoa
Azterketa kuantitatiboaren ondorioak
- Lan munduan euskara bultzatzen duelako merezi du
%72arentzat. Hemen, gazteak baikorrago agertu dira, %90ak
ados edo erabat ados markatu duelarik.
- Inguruko gizarte ekimenei diruz laguntzen dielako merezi
du Fagor Arrasate moduko kooperatiba baten lan egiteak
%72arentzat.
- Proiektu enpresarial ilusionante bat eskaintzen duelako,
merezi du galdetutakoen artetik %52arentzat. %32ak ez
dauka argi, ez ados/ez kontra. Aipatzekoa da gazteen
artean %18a kontra agertu dela, hauek ez dute uste Fagor
Arrasatek proiektu enpresarial ilusionante bat eskaintzen
duenik.
2. Fagor Taldeari buruzkoak
Atal kuantitatibo honetarako beste helburu bat honako hau
genuen: Fagor Taldeari buruzko iritzi eta pertzepzioak jasotzea.
Fagor taldean bereziki historikoki asumituta dauden hainbat
gauza (Fagor taldeko enpresen arteko elkar-laguntza maila
berezia, ‘Eskolari’ eta ikastolei laguntzea, hizkuntza
bultzatzea….), aztertu nahi izan ditugu. Fagorreko kulturan
txertaturik omen daudenak, nola kokatzen dituzte langileek beren
diskurtso edo pertzepziotan? Kolokan ote daude? ez baleude,
galdera da, zenbaterainoko sendotasuna duten kolektiboan Leintz
bailarako kooperatibetan bereziak izan diren funtzionamenduek
eta elkartasun mekanismoek. Arriskuan dauden etorkizun baten,
edo jendearen uste sendoetan txertaturik dauden hamarkada
askotako esperientziaren eraginez aztertu nahi dugu.
Belaunaldien arteko iritzi multzoen konparaketa egiteaz gain,
Fagor Taldearen kasuan organoetan aritzeak ere eragina izan
dezakeela uste dugu. Hori dela eta, Fagor Taldea aztertzerakoan
bi aldagai horiek izango ditugu kontuan: alde batetik, adinaren
aldagaia, eta bestetik, organoetan aritzearena.
5.2.1 Enplegua sortzeko bokazioa mantendu beharko luke
Fagor taldeak historikoki enpleguak sortu eta mantentzearen
aldeko bokazioa izan du. Fagor Arrasateko kolektiboan,
gehiengoaren iritziz, bokazio hori, mantendu beharreko elementua
da (%54a ados agertu da eta %39a erabat ados). Kontra agertu
diren apurrak gazteen multzokoak izan dira (guztira hiru lagun).
Dena dela, 90. hamarkadako krisiaz geroztik Fagor Taldean
kontratatu moduan, behin behineko lanpostuak betetzen dituzten
langileak eta azpikontratu moduan lan egiten duten langileen
kopuruak gora egin du. Produkzio pikoei erantzuteko beharra
dagoenean kontratatzen dira, “ebentual” izenez ezagutzen diren
behin behineko langileak. Dena dela, zaintzen al dira langile
hauen lan baldintzak? Igartzen al dute langile horiek
kooperatiba batean lan egiten dutela?
475