Diskurtso kooperatiboak langile-kolektiboan ... - Euskara

Atal enpirikoa
Azterketa kuantitatiboa
kooperatibizatzearen alde lan egingo duen mugimendua bultzatzea
gustatuko litzaioke %78ari. Gustatu bakarrik ez, etorkizunean
horrela gertatuko dela uste du %54ak eta 51-65 adin tartetik
%90ak. Oraingo honetan ere, adin tarte hau azaldu da baikorren.
Beraz, Fagor Arrasateko kolektiboan gehienek uste dute
etorkizunean kooperatibek honako bi norabidetan lan egingo
dutela:
- Enpresarialki hobetzen joango den kooperatibak garatuz,
kooperatibismoari dagokionean orain arteko izaera
mantenduz.
- Gizarteko alor desberdinak kooperatibizatzearen alde
lan egingo duen mugimendua bultzatuz.
Aipatu dugu kooperatibismo gero eta sakonagoa garatzea gustatuko
litzaiekeela , nahiz eta enpresarialki tamainaz ez handitu;
baina era berean ez dutela uste kooperatiben etorkizunaren
nondik norakoak norabide horretan joango direnik.
Baina zer egin behar da kooperatibismo on bat lortzeko?
Etorkizunean kooperatibismo on bat lortzeko zer egin beharko
litzatekeen galdetuta, honako sei elementuen garrantzia
azpimarratu dute:
1. Formazio kooperatiboa landu beharko litzatekeela uste du
gehiengoak (%68 ados eta %16 erabat ados).
2. Kooperatibak lehiakorrago izate aldera formula
kapitalistetara hurbiltzearen kontra agertu da %51,2a eta
erabat kontra %14,5a.
3. Hazkuntza ekonomikoari lehentasunik ez. Hazkuntza
ekonomikoari lehentasuna ematearen kontra agertu da
gehiengoa. Kontra %26a eta erabat kontra %8,3a; beste multzo
handi batek zalantzak agertu ditu, hauek ez dakite hazkuntza
ekonomikoari lehentasuna eman behar zaion ala ez (%43ak ez
ados/ez kontra aukera markatu du).
4. Arlo soziala alde batera utzi eta arlo enpresariala
indartzearen kontra agertu da %80a.
5. Ideologia kooperatiboa gaurkotu eta zuzendaritzetan
txertatu beharko litzateke %87aren ustez.
6. Belaunaldi berrientzat motibagarriak izan daitezkeen
elementuak identifikatu eta bultzatu beharko lirateke, puntu
honetan ia denak bat etorri direlarik: ados edo erabat ados
%96a.
Orain arte kooperatibagintzaren etorkizunaz jardun dugu,
etorkizunean izan nahi dutenaz, hain zuzen. Ondorengo lerroetan
Arrasateko Kooperatibak gaur direnaz jardungo dugu. Zein da
Arrasateko kolektiboak gaur egungo kooperatibagintzaz eta
kooperatibaz egiten duen irakurketa?
462