Diskurtso kooperatiboak langile-kolektiboan ... - Euskara

Atal teorikoa
Oinarrizko hamar printzipio kooperatiboak
norabideari dagozkion arloetan partehartzeko eskubide eta
betebeharra izango du” 36
Ikus ditzagun beraz, partehartze instituzionalaren,
sozioestrukturaren ezaugarriak:
a) Bazkideen partehartzea berdintasunean oinarritzen da,
horrela, lan elkartuko kooperatibatan bazkide bakoitzak
boto bat dauka (pertsona bat, boto bat). Ez dauka zer
ikusirik, edo ez da kontuan hartuko bazkideak duen
kapitala, ez eta aintzinatasuna edo eta enpresan betetzen
duen lanpostua. Hortaz, boto eskubideak bazkide guztiak
eskubide eta betebehar berdinekin berdintzen ditu.
b) Partehartzeko kanalak barne araudian jasotako eskubideen
arauek bermatzen dituzte. Eskubide hauek dituzte bazkideek
printzipio honi dagokionean:
- Kooperatibako organoetan, edo eta kooperatiba
kide den beste erakunde bateko ordezkari gisa
parte hartzeko hautatu eta hautatua izateko
eskubidea.
- Batzar Orokor, edo eta kide den kooperatibako
beste organoetako erabakietan ahots eta boto
bidez erabakietan parte hartzeko eskubidea.
- Kooperatibari buruzko edozein gairen inguruan
informatua izateko eskubidea.
c) Eskubide hauek aurrera eramateak zuzen garamatza demokrazia
errepresentatibora. Printzipio demokratiko honetan klabea da
Errektore Kontseilua. Izan ere, organo honek aukeratzen du lerro
exekutiboa, hau da teknoestruktura. Lerro exekutiboaren buruan
Zuzendaritza Kontseilua kokatzen da, bere ardura nagusia urteko
gestio plana egin eta berau betearazteko bitartekoak egoki
kudeatzea izango da.
Sozietatean (soziestrukturan) parte hartu ahal izatea da
benetako partehartze kooperatiboaren bereizgarria, hortxe
kokatzen da ereduaren izaera demokratikoa. Jakina da, ordea,
demokraziaren oinarria bere erakundeei eta arauei benetako
eraginkortasuna ematea dela, erakunde eta arau horiek berez ez
baitute bermatzen egiazko partehartzea eta inplikazioa.
36 Agirre. N. op.cit. 118.orr.
71